1 Kronikols 17:5 - Pijin Bible

⁵ Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

Pijin Deuterocanon

⁵ Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

1 Kronikols 17:5 ပူးပေါင်းရင်းမြစ်များ

2 Samuel 6:17

Olketa karim Tambu Boks go fo putum long ples blong hem insaet long haostent wea King Deved hemi mekem redi finis. Den hemi kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem Yawe.

2 Samuel 7:6

Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

1 Kings 8:16

Hemi bin tok olsem, ‘Stat long taem bifoa wea mi tekem olketa pipol blong mi fo kamaot from Ijip, kam kasem tude, mi no siusim eni biktaon long lan blong olketa traeb blong Israel, mekem yufala bildim Tambuhaos fo mi long hem, an wosipim nem blong mi. Bat mi mekem yu fo kamap king ovarem pipol blong mi long Israel.’”

1 Kings 8:27

“!O Lod Yawe! ?Hao nao bae yu save stap kam long disfala wol? Nomata heven wea hemi bikfala tumas, bat heven hemi no fitim yu fo yu stap long hem. Disfala Tambuhaos hemi smolfala fogud an hemi nating fit fo yu stap long hem.

1 Kings 8:4

an samfala narafala prist wetem olketa Livaet, i tekem go Tambu Haostent, wetem olketa narafala tambu samting. Olketa karim go olketa samting ya go long Tambuhaos blong Yawe.

2 Kronikols 2:6

Bat ating no eniwan hemi save bildim wanfala Tambuhaos wea God hemi save stap long hem, bikos nomata heven hemi bikfala fogud, bat hemi no inaf fo God hemi stap insaet long hem. So mi no fit fo wakem disfala Tambuhaos, ating bae hemi ples fo mekem sakrifaes an ofaring nomoa fo wosipim hem.

2 Kronikols 6:18

“!O Lod Yawe! ?Hao nao bae yu save stap kam long disfala wol wetem pipol? Nomata heven wea hemi bikfala tumas, bat heven hemi no fitim yu fo stap long hem. Disfala Tambuhaos hemi smolfala fogud an hemi no fit fo yu stap long hem.

2 Kronikols 6:5

‘Stat long taem bifoa wea mi tekem olketa pipol blong mi fo kamaot from Ijip, kam kasem tude, mi no siusim eni biktaon long lan blong olketa traeb blong Israel, mekem yufala bildim Tambuhaos fo mi long hem, an wosipim nem blong mi. An mi no siusim tu eniwan fo lidim yufala.

2 Kronikols 6:6

Bat mi siusim nao Jerusalem, olsem ples wea bae yufala mas wosipim nem blong mi long hem, an mi siusim yu Deved fo kamap king ovarem pipol blong mi long Israel.’”