1 Kronikols 16:27 - Pijin Bible

²⁷ Evriwan save lukim dat hemi garem evri paoa an hem nao hemi King. Ya, evrisamting long Tambuhaos blong hem, i somaot paoa blong hem an mekem pipol hapi tumas.

Pijin Deuterocanon

²⁷ Evriwan save lukim dat hemi garem evri paoa an hem nao hemi King. Ya, evrisamting long Tambuhaos blong hem, i somaot paoa blong hem an mekem pipol hapi tumas.

1 Kronikols 16:27 ပူးပေါင်းရင်းမြစ်များ

1 Kronikols 16:26

Evri god blong olketa pipol, olketa i samting nating nomoa, bat Yawe hemi mekem skae wetem evrisamting wea i stap long hem.

1 Kronikols 16:28

!Evri laen long pipol long disfala wol, yufala mas preisim Yawe! Yufala mas preisim hem fo bikfala paoa blong hem, an fo gudfala wei blong hem.

Nehemaea 8:10

An mi tok olsem, “Yufala gohom, an mekem fist. Yufala kaikaim gudfala kaikai an dringim spesol waen, an searem samfala wetem olketa pipol hu i no garem naf. Tude hemi tambu fo Masta blong yumi. Yufala mas no sore an krae bikos wei wea Yawe hemi mekem yumi hapi, wei ya nao hemi mekem yumi strong.”

Sams 16:11

Yu bin som mi olketa wei fo kasem tru laef, an taem yu stap wetem mi, bae yu mekem mi hapi fogud. (Prea blong Deved.)

Sams 8:1

Lod Yawe, yu nao yu Masta blong mifala. Evriwan i luksave long bikfala paoa blong yu long evri ples long wol. Evriwan i gohed fo preisim nem blong yu, an disfala preis ya hemi go-go kasem antap go long skae.

Sams 96:6

Evriwan save lukim dat hemi garem evri paoa an hem nao hemi King. Ya, evrisamting long Tambuhaos blong hem, i somaot dat hemi garem paoa an hemi strong tumas.

Esikiel 1:27

Stat long ples blong strap long man ya an goap long bodi blong hem, hemi saen tumas olsem bras wea hemi saen fogud, an hemi olsem wea faea hemi gohed fo laet bikfala insaet. Stat long ples blong strap an godaon long bodi blong hem, hemi olsem bikfala faea, wea hemi saen bikfala raonem man ya.

Gudnius abaotem Jisas Kraes wea Jon hemi raetem 17:24

“Dadi, mi laekem olketa pipol wea yu givim kam long mi fo olketa stap wetem mi long ples wea mi stap long hem, mekem olketa lukim saen blong bikfala paoa blong mi. Hem nao disfala saen blong paoa wea yu givim kam long mi bikos yu lavem mi taem yu no mekem disfala wol ya yet.