1 Kronikols 16:11 - Pijin Bible

¹¹ Yumi mas luk go long Yawe fo help, an yumi mas wosipim hem olowe.

Pijin Deuterocanon

¹¹ Yumi mas luk go long Yawe fo help, an yumi mas wosipim hem olowe.

1 Kronikols 16:11 ပူးပေါင်းရင်းမြစ်များ

1 Kronikols 16:10

Yumi evriwan mas liftimap holi nem blong Yawe, an yumi save hapi bikos yumi wosipim hem.

2 Kronikols 6:41

“O Yawe God, plis yu kam an stap olowe long ples blong yu wetem Tambu Boks wea hemi saen blong bikfala paoa blong yu. O Yawe God, plis yu mekem olketa prist blong yu fo lukluk olowe long yu mekem yu sevem olketa, an mekem olketa hu i tinghevi long yu fo barava hapi tumas long olketa gudfala wei blong yu.

Sams 24:6

Olketa stretfala pipol olsem nao i save lukim Yawe, an save kam long God ya blong Jekob.

Sams 4:6

Plande pipol nao i gohed fo prea olsem, “Lod Yawe, plis yu luk kaen kam long mifala, an givim kam plande gudfala samting moa long mifala.”

Sams 67:1

God, plis yu sore kam long mifala, an blesim mifala. Plis yu gohed fo luk kam long mifala, an kaen long mifala,

Sams 68:35

Taem God hemi kamaot from Tambuhaos blong hem, yumi evriwan i seke long hem, an yumi tinghae long hem. God blong yumi long Israel nao hemi givim paoa long yumi, an hem nao hemi mekem yumi strong. !Yumi mas preisim God! (Singsing blong Deved.)

Sams 78:61

Hemi letem olketa enemi fo kam an tekem Tambu Boks blong Spesol Agrimen. Boks ya nao hemi wanfala saen long paoa blong God.

Sams 84:6

Taem olketa gotru long vali wea hemi barava drae fogud, hemi olsem nomoa ples wea hemi garem plande wata long hem. Bikos ren hemi mekem olketa hol long drae vali ya fo fulap finis long wata.

Emos 5:6

(Profet) !Yufala mas kambaek long Yawe! Sapos yufala kambaek long hem, bae yufala save stap gudfala. Bat sapos yufala pipol blong Israel i no kambaek long hem, bae hemi kamdaon long yufala olsem wanfala bikfala faea wea hemi bone, an bae hemi bonem yufala evriwan long Betel. Ya, no eniwan nao save kilim dae disfala faea.