1 Kronikols 15:2 - Pijin Bible

² Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

Pijin Deuterocanon

² Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

1 Kronikols 15:2 ပူးပေါင်းရင်းမြစ်များ

2 Samuel 6:13

Taem olketa man wea i karim Tambu Boks i jes stat fo wakabaot, king hemi stopem olketa fo weit fastaem. Den hemi kilim dae wanfala man buluka wetem wanfala smolfala fat buluka, fo mekem sakrifaes go long Yawe.

2 Kronikols 35:3

Nao samfala Livaet i bin tisim Lo blong Yawe long olketa pipol blong Israel. So Josaea hemi kolem kam olketa Livaet ya wea olketa bin mektambu long olketa seleva fo Yawe. Den hemi tok olsem long olketa, “Putum Tambu Boks insaet long Tambuhaos wea Solomon, san blong Deved an king blong Israel, hemi bin wakem. Bihaen, yufala no mas karim hem moa long solda blong yufala. Yufala mas duim nomoa olketa waka blong Yawe hu hemi God blong yufala, an yufala mas duim waka fo pipol blong Israel.

Eksodas 25:14

Den yu mas pusum go tufala stik ya insaet long olketa ring long tufala saet blong boks fo karim long hem.

Aesaea 66:21

An bae mi siusim samfala long olketa ya fo kamap prist blong mi, an samfala bae i joenem olketa Livaet.

Nambas 3:6

“Tekem kam olketa man long traeb blong Livae fo helpem Haeprist Eron.

Nambas 3:9

So yu mas givim go olketa Livaet ya long Eron wetem tufala san blong hem.

Nambas 7:9

Bat Mosis hemi no givim eni kaat o buluka go long laen blong Kohat, bikos olketa lukaftarem olketa tambu samting wea olketa mas karim long solda blong olketa nomoa.

Diutronomi 10:8

An long datfala taem, Yawe hemi siusimaot traeb blong Livae fo karim disfala Tambu Boks blong Agrimen blong Yawe. An olketa ya waka long tambu haostent fo mekem olketa waka blong hem, an fo blesim olketa pipol long nem blong Yawe. Nao olketa gohed fo duim disfala waka kam kasem tude.

Diutronomi 31:9

Nao Mosis hemi raetemdaon disfala buk blong Lo blong Yawe, an hemi givim go long olketa prist an long olketa lida blong pipol blong Israel. Olketa prist ya i long traeb blong Livae, an olketa save karim Tambu Boks blong Spesol Agrimen blong Yawe.

Josua 3:3

an tok olsem long olketa, “Taem yufala lukim olketa prist long traeb blong Livae i wakabaot go an karim Tambu Boks long Spesol Agrimen blong Yawe hu hemi God blong yumi, yufala mas falom olketa.

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”