1 Kronikols 14:17 - Pijin Bible

¹⁷ Nao nius blong olketa bikfala samting wea hemi duim hemi go kasem evri ples long wol, an Yawe hemi mekem olketa pipol long evri kantri fo fraet long hem.

Pijin Deuterocanon

¹⁷ Nao nius blong olketa bikfala samting wea hemi duim hemi go kasem evri ples long wol, an Yawe hemi mekem olketa pipol long evri kantri fo fraet long hem.

1 Kronikols 14:17 ပူးပေါင်းရင်းမြစ်များ

1 Kronikols 14:16

So Deved hemi duim olsem wea Yawe hemi talem long hem. An hem wetem ami blong hem i ronem olketa soldia blong Filistia, an kilim olketa, stat long Gibeon go-go kasem Gesa.

1 Kronikols 17:8

Stat kam bifoa, eni ples wea yu go mi stap wetem yu olowe. Nomata taem yu go long faet, oltaem mi gohed fo winim olketa enemi blong yu. So bae mi mekem yu fo garem biknem, mekem olketa pipol tingim hem olsem nem blong olketa narafala bikman long wol.

2 Kronikols 26:8

Olketa pipol blong Amon i gohed fo givim seleni an olketa narafala samting fo peim taks long Yusaea. Hemi gohed fo kamap strong moa, an nius abaotem biknem blong hem hemi goraon long evri ples an go kasem Ijip.

Sams 18:44

Olketa baodaon long mi, an olketa obeim toktok blong mi.

Diutronomi 11:25

An taem yufala go long disfala lan, Yawe, God blong yufala, bae hemi mekem olketa pipol i barava fraet long yufala olsem wea hemi promis long yufala finis. Den, no eni man bae hemi fit fo stopem yufala.

Diutronomi 2:25

Stat tude, bae mi mekem pipol long evri ples fo fraet long yufala. Sapos olketa herem dat pipol i tokabaotem yufala, bae olketa fraet tumas an seksek fogud.’”

Josua 6:27

Nius abaotem olketa bikfala samting ya hemi mekem Josua fo garem biknem evriwea long Kenan. An Yawe hemi stap wetem hem olowe.

Josua 9:24

Olketa tok olsem long hem, “Masta, mifala duim diswan bikos mifala save finis wea Yawe hu hemi God blong yufala hemi bin talem long Mosis, disfala wakaman blong hem bifoa, wea bae hemi givim disfala lan long yufala. An taem yufala kam insaet long lan ya, bae yufala kilim mifala evriwan dae. An mifala save tu dat disfala toktok hemi tru tumas, dastawe nao mifala fraet tumas long yufala. So mifala mas duim diswan nao, bikos mifala no wande dae tu ya.