1 Kronikols 13:10 - Pijin Bible

¹⁰ Bat wea, Yawe hemi kros tumas long hem bikos hemi no garem raet fo tasim Tambu Boks, so hemi kilim Usa dae. Hemi dae long saet blong Tambu Boks nomoa.

Pijin Deuterocanon

¹⁰ Bat wea, Yawe hemi kros tumas long hem bikos hemi no garem raet fo tasim Tambu Boks, so hemi kilim Usa dae. Hemi dae long saet blong Tambu Boks nomoa.

1 Kronikols 13:10 ပူးပေါင်းရင်းမြစ်များ

1 Kronikols 13:11

An king hemi filnogud tumas, bikos Yawe hemi kros an hemi panisim man ya olsem. An stat long datfala taem kam kasem tude, olketa gohed fo kolem ples ya, “Peres Usa”, o “Panis blong Usa”.

1 Kronikols 15:13

Lastaem, yufala Livaet no karim kam Tambu Boks ya, dastawe Yawe hemi panisim mifala. Yumi no askem hem abaotem barava wei fo karim Tambu Boks ya.”

1 Kronikols 15:15

An taem olketa Livaet i karim Tambu Boks ya, olketa karim hem long tufala longfala timba long solda blong olketa. Hem nao olsem wea Yawe hemi bin talem long Mosis bifoa.

Nambas 16:35

Long semtaem nomoa Yawe hemi sendem kamdaon wanfala faea wea hemi bonem finis olketa 250 man hu i bin ofarem kam insens.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”

1 Samuel 6:19

Long datfala taem, Yawe hemi kilim dae seventifala man blong Bet-Semes bikos olketa luk insaet long Tambu Boks blong hem. An olketa pipol i filnogud tumas an gohed fo krae long disfala had samting wea Yawe hemi duim.