1 Kronikols 12:38 - Pijin Bible

³⁸ Olketa soldia ya i hapi nomoa fo joenem ami blong Deved. Olketa go hipap long Hebron, an tingting blong olketa i barava strong tumas fo mekem Deved hemi kamap king blong Israel. Evriwan long Israel nao i garem semkaen tingting tu.

Pijin Deuterocanon

³⁸ Olketa soldia ya i hapi nomoa fo joenem ami blong Deved. Olketa go hipap long Hebron, an tingting blong olketa i barava strong tumas fo mekem Deved hemi kamap king blong Israel. Evriwan long Israel nao i garem semkaen tingting tu.

1 Kronikols 12:38 ပူးပေါင်းရင်းမြစ်များ

1 Kings 11:4

Taem Solomon hemi kamap olfala, olketa waef blong hem i lidim hem go fo wosipim olketa narafala god. Tingting blong hem hemi no tinghevi long Yawe, God blong hem. Hemi no olsem dadi blong hem, King Deved, hu hemi tinghevi long Yawe.

1 Kings 8:61

Bat yufala mas barava tinghevi long Yawe God blong yumi. Yufala mas tinghevi fo obeim olketa lo blong hem an olketa toktok blong hem, olsem wea yufala gohed fo duim distaem.”

2 Kings 20:3

“O Yawe. Plis yu tingim mi. Oltaem nomoa mi waka fo yu long evri paoa blong mi an evri tingting blong mi, an mi traehad fo duim evrisamting wea yu laekem.” An hemi krae bikfala bikos hemi filnogud tumas.

1 Kronikols 12:33

Long traeb blong Sebulun, hemi garem 50,000 soldia wea i joenem Deved an barava tinghevi long hem. Olketa ya i save tumas hao fo yusim enikaen wepon.

1 Kronikols 12:37

Nao long trifala traeb wea i stap long ist saet long Jodan riva, traeb blong Ruben, an traeb blong Gad, an haf long traeb blong Manase, olketa garem 120,000 soldia wea i garem enikaen wepon.

1 Kronikols 12:39

Olketa soldia ya i stap fo trifala de wetem Deved, an olketa mekem fist long olketa kaikai an dring wea olketa wantok blong olketa i bin redim fo olketa.

2 Kronikols 30:12

An God hemi mekem olketa long Jiuda fo garem wanmaen nomoa fo kam, an falom evri toktok blong Yawe wea king an olketa bikman blong hem i talem.

Sams 101:2

Mi laekem tumas fo yu kam long mi mekem mi falom wei blong yu wea hemi stret fogud. Long evrisamting wea mi duim fo rulim pipol blong yu, bae mi falom evri wei wea hemi stret long ae blong yu.

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Esikiel 11:19

Bae mi mekem laef blong olketa fo kamap gud moa, an givim niufala tingting long olketa, mekem olketa wosipim mi nomoa. An bae mi tekemaot evri ravis tingting wea hemi save mekem olketa bikhed, an givim gudfala tingting long olketa mekem olketa save obeim mi.