1 Kronikols 11:4 - Pijin Bible

⁴ King Deved an ami blong Israel i go fo faet long Jerusalem, an long laen blong Jebus wea i stap long taon ya.

Pijin Deuterocanon

⁴ King Deved an ami blong Israel i go fo faet long Jerusalem, an long laen blong Jebus wea i stap long taon ya.

1 Kronikols 11:4 ပူးပေါင်းရင်းမြစ်များ

Jenesis 10:16

An olketa narafala laen wea Kenan hemi grandadi blong olketa nao, hemi olketa laen blong Jebus, an olketa laen blong Amoa, an olketa laen blong Gigas,

1 Kronikols 11:5

Nao olketa tingse Deved hemi no save winim taon ya, so olketa tok olsem long hem, “Bae yu no save kam insaet long taon blong mifala.” Bat wea, Deved hemi winim disfala strongfala taon ya long Saeon. Bihaen, olketa kolem hem “Biktaon blong Deved”.

Eksodas 3:17

An mi promis finis fo tekem yufala aot from disfala hadlaef long ples ya. Bae mi tekem yufala go long wanfala lan wea graon blong hem hemi gudfala tumas, an oltaem hemi garem kaikai long hem. Hem nao lan blong olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus.” ’

Josua 15:63

Bat olketa long traeb blong Jiuda i no save ronemaot olketa long laen blong Jebus bifoa wea olketa gohed fo stap long Jerusalem long datfala taem. Olketa pipol ya i stap yet wetem olketa long traeb blong Jiuda ka-kam kasem tude.

Josua 15:8

Spialaen ya hemi goap stret falom vali long Hinom, wea hemi pas long saot saet, botom long hil ya long Jerusalem, disfala taon blong olketa laen blong Jebus. Spialaen ya hemi go antap long hil saet long vali long Hinom wea hemi stap long west saet, kolsap long vali long Refaem long saet long not.

Josua 18:28

an Sela, an Haelef, an Jebus wea narafala nem blong hem nao Jerusalem, an Gibea an Kiriat-Jearim. Hem nao fotinfala taon wea i stap long eria ya wetem olketa vilij wea i stap raon long olketa. Hem nao olketa lan wea traeb blong Benjamin i onam.

Jajis 1:21

Bat traeb blong Benjamin hemi no ronemaot laen blong Jebus wea hemi stap long Jerusalem, dastawe olketa letem laen blong Jebus fo stap olowe nomoa wetem olketa long ples ya.