1 Kronikols 1:29 - Pijin Bible

²⁹ Ismael hemi garem tuelfala san, an nem blong olketa, stat long fasbon go kasem lasbon, i olsem: Nebaeot, an Kedaa, an Adbeel, an Mibsam,

Pijin Deuterocanon

²⁹ Ismael hemi garem tuelfala san, an nem blong olketa, stat long fasbon go kasem lasbon, i olsem: Nebaeot, an Kedaa, an Adbeel, an Mibsam,

1 Kronikols 1:29 ပူးပေါင်းရင်းမြစ်များ

Jenesis 28:9

Iso hemi garem finis tufala waef ya, bat hemi go moa long Ismael wea dadi blong hem Ebraham, an hemi maritim wanfala dota blong hem, wea hemi kamap mektri waef blong hem. Gele ya, nem blong hem nao Mahalat, an hemi sista blong Nebaeot, hu hemi fasbon blong Ismael ya.

1 Kronikols 1:28

Ebraham hemi garem tufala san olsem, Aesak an Ismael.

1 Kronikols 1:30

an Misma, an Duma, an Masa, an Hadad, an Tema,

Sams 120:4

Panis ya bae hemi barava nogud tumas olsem taem olketa sap aro blong olketa soldia i gotru long bodi blong yufala fo kilim yufala dae. An bae yufala filpein long panis ya olsem bikfala faea wea hemi bonem yufala.

Nambawan Singsing 1:5

Olketa woman blong Jerusalem, mi blak ya, bat mi luknaes tumas. Nomata mi blak olsem olketa haostent long drae eria long Kedaa, bat mi luknaes tumas olsem olketa nambawan kaleko ya fo mekem haos blong king hemi luk barava spesol.

Aesaea 21:17

Nomata olketa soldia blong Kedaa i strong moa long taem blong faet, an olketa save tumas hao fo sut long bou, bat tu-tri long olketa nomoa bae hemi laef. Yawe hu hemi God blong Israel nao, hemi talem.”

Aesaea 60:7

Bae olketa tekem kam olketa nambawan sipsip from Kedaa an Nebaeot, an bae Yawe hemi hapi fo olketa sakrifaesim antap long olta blong hem. An bae Yawe hemi haemapem Tambuhaos blong hem mekem evri pipol long wol save mekhae long hem.