1 Korin 9:8 - Pijin Bible

⁸ Mi no falom tingting blong man nomoa long diswan, bikos Lo blong Mosis tu hemi talem semsamting olsem.

Pijin Deuterocanon

⁸ Mi no falom tingting blong man nomoa long diswan, bikos Lo blong Mosis tu hemi talem semsamting olsem.

1 Korin 9:8 ပူးပေါင်းရင်းမြစ်များ

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Leta wea Pol hemi raetem go long sios long Rom 3:31

?Bikos yumi biliv nao, waswe, yumi save fogetem Lo? Nomoa ya, taem yumi biliv yumi mekem Lo hem strong go moa.

Leta wea Pol hemi raetem go long sios long Rom 3:5

?Waswe sapos nogud wei blong yumi hemi save somaot klia moa wea God nao hemi stret? ?Waswe, bae yumi tingim God hemi olsem wanfala man nomoa, mekem yumi sei hem nao hemi rong taem hemi panisim yumi?

Leta wea Pol hemi raetem go long sios long Rom 6:19

Mi yusim disfala tokpiksa abaotem wakaman wea yufala evriwan save long hem, bikos yufala wik long tingting blong yufala. Long bifoa, yufala letem evri pat long bodi blong yufala fo stap wakaman blong olketa ravis wei, an enikaen rong samting moa. Bat distaem yufala mas mekem evri pat long bodi blong yufala fo wakaman blong stretfala wei an fo evrisamting wea hemi holi.

1 Korin 14:34

hemi gud fo olketa woman fo stap kuaet nomoa taem yufala prea. Olsem Lo blong Mosis hemi talem dat olketa woman mas no toktok an no kamap bos.

1 Korin 7:40

Bat sapos woman ya hemi gohed fo stap singgol nomoa, bae hemi save stap hapi moa. Hem nao tingting blong mi, an mi biliv wea mi garem Spirit blong God.

Galesia 1:11

Olketa Kristin fren, mi laek fo yufala save dat Gudnius wea mi talemaot ya, hemi no samting wea hemi kam from man nomoa.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Tesalonaeka 4:8

Olsem, sapos eniwan hemi agensim disfala tising, hemi no agensim tingting blong man. Nomoa. Hemi agensim God hu hemi givim Holi Spirit blong hem long yufala.