1 Korin 9:27 - Pijin Bible

²⁷ Mi gohed fo hitim bodi blong mi, mekem hemi barava obeim mi. Bikos nogud mi talemaot disfala Gudnius long olketa nara pipol, bat mi seleva nao mi lus.

Pijin Deuterocanon

²⁷ Mi gohed fo hitim bodi blong mi, mekem hemi barava obeim mi. Bikos nogud mi talemaot disfala Gudnius long olketa nara pipol, bat mi seleva nao mi lus.

1 Korin 9:27 ပူးပေါင်းရင်းမြစ်များ

Sams 50:16

Bat God hemi tok olsem long olketa nogud pipol, “?Fo wanem nomoa yufala ridim baehat long olketa lo blong mi? ?Fo wanem nomoa yufala tokabaotem spesol agrimen wea mi bin mekem wetem olketa olo blong yufala bifoa? Yufala pipol fo laea ya.

Eksodas 37:22

Olketa hamarem Spesol Frem ya wetem olketa flaoa an olketa brans long wanfala pis gol nomoa.

Jeremaea 6:30

An olsem wea man hemi les long silva wea ravis blong hem no save ranaot, bae mi Yawe nao mi les tu long olketa ravis pipol ya.”

Gudnius abaotem Jisas Kraes wea Luk hemi raetem 18:5

mi mas helpem hem fo stretem trabol ya nao. Sapos mi no stretem trabol ya, bae hemi kam olowe nomoa an mekem mi krangge long hem nao.’”

Gudnius abaotem Jisas Kraes wea Luk hemi raetem 9:25

?Nao sapos eniwan hemi winim evrisamting long disfala wol, bat hemi mas lusim laef blong hem from diswan ya, bae olketa samting ya i save helpem hem? Nomoa ya.

Aposol 1:25

fo tekem disfala waka olsem aposol. Bae hemi sensim Jiudas hu hemi lusim finis disfala waka, an hemi go long barava ples blong hem.”

Leta wea Pol hemi raetem go long sios long Rom 8:13

Sapos yufala falom wei blong sin, bae yufala dae. Bat sapos yufala falom wei blong Holi Spirit an yufala kilim dae olketa ravis wei blong yufala, bae yufala laef.

1 Korin 8:13

So sapos eni kaikai wea mi kaikaim hemi save mekem Kristin fren blong mi fo foldaon long sin, bae mi no save kaikaim diswan enitaem moa ya. Nogud mi mekem Kristin fren blong mi fo foldaon long sin.

1 Korin 9:25

Evriwan hu i laek fo ran long resis, olketa save wakahad fo bosim bodi blong olketa. Nao olketa duim olsem fo winim wanfala kraon wea hemi no stap longtaem nomoa. Bat yumi nao yumi ran fo winim wanfala kraon wea bae hemi stap olowe.

2 Korin 11:27

Mi bin wakahad tumas an mi no garem taem fo slip. Plande taem mi nating garem eni kaikai an dring o mi no garem inaf taem fo kaikai, an plande taem mi kol tumas an sot long kaleko.

Kolosi 3:5

Nao yufala mas kilim dae olketa wei blong yufala wea olketa i ravis wei blong wol nomoa, olsem wei fo durong wetem eniwan an wei fo duim olketa nogud samting tru wetem eniwan, an enikaen wei fo tingim an laekem olketa ravis samting. An yufala mas lusim tu disfala wei fo kavetem olketa samting blong nara pipol, bikos hemi barava olsem wei fo wosipim olketa laea god nomoa ya.

2 Timoti 2:22

Yu mas ranawe from enikaen nogud wei blong olketa yang pipol bat yu mas joen wetem olketa pipol hu i garem stretfala tingting an save mekhae long Masta. An yufala mas traehad fo falom nomoa wei wea hemi stret an fo holestrong long biliv an fo lavem olketa pipol an frengud wetem evriwan.

1 Pita 2:11

Olketa fren, yufala stap long disfala wol olsem olketa strensa, an yufala no garem eni ples wea hemi barava blong yufala. So mi talem strong long yufala wea yufala mas no falom nogud tingting blong yufala seleva. Bikos nogud tingting ya nao hemi save faet agensim niu laef blong yufala.

2 Pita 2:15

Olketa laea tisa ya lusim finis disfala stretfala wei an olketa go krangge falom wei blong Profet Balam hu hemi san blong Beo. Balam hemi laekem tumas fo tekem seleni fo duim wanem hemi no stret.