1 Korin 9:21 - Pijin Bible

²¹ An taem mi waka wetem olketa hu i no Jiu, mi stap olsem olketa tu wea olketa i no falom Lo ya, mekem mi save helpem olketa fo biliv. Diswan hemi no minim mi brekem Lo blong God, bikos mi ya, mi save falom Lo blong Kraes.

Pijin Deuterocanon

²¹ An taem mi waka wetem olketa hu i no Jiu, mi stap olsem olketa tu wea olketa i no falom Lo ya, mekem mi save helpem olketa fo biliv. Diswan hemi no minim mi brekem Lo blong God, bikos mi ya, mi save falom Lo blong Kraes.

1 Korin 9:21 ပူးပေါင်းရင်းမြစ်များ

Sams 119:32

Mi laekem tumas fo falom olketa strongfala toktok blong yu, bikos yu nao bae yu helpem mi fo save gudfala moa long olketa.

Aposol 15:28

Nao tingting blong mifala wea hemi tingting blong Holi Spirit tu, hemi fo mifala no putum eni hevi samting long yufala, bat olketa rul wea yufala mas falom nomoa hemi olsem.

Aposol 16:4

Olketa wakabaot goraon long olketa taon, an olketa gohed fo talem olketa Kristin fo olketa mas falom olketa rul wea olketa aposol an olketa nara lida long Jerusalem olketa bin raetem kam.

Aposol 21:25

Nao olketa Kristin hu i no Jiu ya, mifala bin raetem wanfala leta go long olketa finis wea mifala talemaot tingting blong mifala olsem, olketa mas no kaikaim eni kaikai wea olketa bin sakrifaesim go long olketa laea god, an olketa mas no kaikaim eni blad, an olketa mas no kaikaim eni animol wea olketa bin satem maos blong hem fo hem dae, an olketa mas no durong wetem eniwan.”

Leta wea Pol hemi raetem go long sios long Rom 2:12

Evri pipol hu i garem Lo blong Mosis, Lo nao bae hemi jajem olketa from sin blong olketa. An evri pipol hu i no garem Lo blong Mosis, olketa tu bae i barava lus from sin blong olketa, nomata olketa no garem Lo ya.

Leta wea Pol hemi raetem go long sios long Rom 2:14

Olketa pipol hu i no Jiu, olketa no garem Lo blong Mosis. Bat taem olketa ya i falom tingting wea hemi semsem wetem wanem Lo blong Mosis hemi talem, hemi klia nao wea olketa garem lo long tingting blong olketa, nomata olketa no save long Lo blong Mosis.

Leta wea Pol hemi raetem go long sios long Rom 7:22

Barava insaet long tingting blong mi, mi hapi long Lo blong God nomoa.

Leta wea Pol hemi raetem go long sios long Rom 7:25

!Yumi mas toktengkiu long God wea hem nao duim diswan long waka blong Jisas Kraes Masta blong yumi! So mi seleva, long saet long maen blong mi, mi wakaman blong Lo blong God. Bat long saet blong mi long wei blong sin, mi wakaman blong disfala nogud wei long sin.

Leta wea Pol hemi raetem go long sios long Rom 8:4

God hemi duim diswan, mekem stretfala samting blong Lo i save kamtru long yumi, wea yumi save falom wei blong Holi Spirit an no falom nogud wei blong sin.

Galesia 3:2

Wanfala samting nomoa mi laek fo yufala talem kam long mi. ?Waswe, yufala tekem Spirit blong God bikos yufala falom Lo, o bikos yufala biliv long disfala Gudnius wea yufala herem?

Galesia 6:2

Yufala mas helpem eniwan blong yufala wea trabol hemi kasem hem, mekem yufala barava falom lo blong Kraes.

Hibrus 8:10

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa i kamap moa spesol pipol blong mi.