1 Korin 9:14 - Pijin Bible

¹⁴ An long sem wei ya, Masta hemi talem strong wea olketa hu i talemaot Gudnius, olketa mas tekem pei long disfala waka blong olketa.

Pijin Deuterocanon

¹⁴ An long sem wei ya, Masta hemi talem strong wea olketa hu i talemaot Gudnius, olketa mas tekem pei long disfala waka blong olketa.

1 Korin 9:14 ပူးပေါင်းရင်းမြစ်များ

Matiu 10:10

an yufala mas no tekem eni basket o sandol o wokingstik wetem yufala long rod. An yufala tekem nomoa wanfala kaleko. Bikos man hu hemi waka, hemi fitim fo olketa lukaotem hem ya.

Gudnius abaotem Jisas Kraes wea Luk hemi raetem 10:7

An yufala mas stap long sem haos ya nomoa, an yufala mas no go olobaot long olketa nara haos moa. An yufala gohed tu fo kaikai an dringim enisamting nomoa wea olketa givim long yufala, bikos man wea hemi waka, hemi fitim fo hemi tekem pei blong hem.

Gudnius abaotem Jisas Kraes wea Luk hemi raetem 10:8

Taem yufala go insaet long wanfala taon, an olketa laekem yufala fo stap, yufala mas kaikaim enisamting wea olketa givim long yufala.

Aposol 18:3

An Pol hemi stap wetem tufala. Hemi joenem tufala long waka blong tufala, bikos trifala evriwan nao waka blong trifala fo mekem olketa haostent ya.

1 Korin 4:15

Nomata sapos yufala garem 10,000 pipol fo tisim yufala long wei blong Kraes, wanfala man nomoa hemi olsem dadi blong yufala. Mi tekem kam disfala Gudnius long yufala ya, mekem mi nao mi kamap olsem dadi blong yufala long saet blong Jisas Kraes.

1 Korin 9:11

Mitufala bin plantem olketa sid blong Kristin laef long midol long yufala ya. So hemi fitim fo yufala givim olketa samting fo helpem bodi blong mitufala.

1 Korin 9:12

Olketa nara pipol olketa garem paoa fo tekem olketa samting ya long yufala. So hemi fitim fo mitufala garem paoa fo diswan ya winim olketa moa. Bat nomata olsem, mitufala no bin yusim disfala paoa. Nomata evrisamting hemi had fo mitufala, mitufala no wari long hem, bikos mitufala no laekem enisamting fo blokem disfala Gudnius abaotem Kraes.

1 Korin 9:16

Waka blong mi fo talemaot Gudnius hemi no samting wea mi save praod long hem, bikos hemi waka wea mi mas duim nomoa. An mi mas lukaot, nogud mi no talemaot disfala Gudnius.

1 Korin 9:4

From mi waka olsem aposol, mi save askem olketa pipol fo helpem mi long kaikai an dring.

2 Korin 2:12

Taem mi bin kasem Troas fo talemaot Gudnius abaotem Kraes, Masta hemi helpem mifala fo duim plande gudfala waka.

Galesia 6:6

Eniwan hu hemi lane abaotem toktok blong God, hemi mas searem olketa gud samting hemi garem wetem tisa blong hem.

1 Tesalonaeka 1:5

Taem mifala tekem go disfala Gudnius long yufala, mifala no toktok nating nomoa, bat Holi Spirit hemi mekem olketa mirakol tu. Mifala somaot dat mifala barava biliv strong long Gudnius. An taem mifala stap wetem yufala, yufala luksave finis long olketa gudfala samting wea mifala duim wea hemi fo helpem yufala.