1 Korin 9:13 - Pijin Bible

¹³ Yufala save finis wea olketa pipol hu i waka insaet long Tambuhaos, olketa save tekem kaikai long Tambuhaos nomoa. An olketa hu i bonem olketa sakrifaes long olta ya, olketa save tekem haf long olketa sakrifaes nomoa.

Pijin Deuterocanon

¹³ Yufala save finis wea olketa pipol hu i waka insaet long Tambuhaos, olketa save tekem kaikai long Tambuhaos nomoa. An olketa hu i bonem olketa sakrifaes long olta ya, olketa save tekem haf long olketa sakrifaes nomoa.

1 Korin 9:13 ပူးပေါင်းရင်းမြစ်များ

Levitikas 21:22

Bat, hemi save kaikaim haf blong olketa sakrifaes wea hemi blong olketa prist, nomata haf blong sakrifaes ya hemi holi, o hemi barava holi tumas.

Levitikas 6:26

So prist hu hemi bonem disfala sakrifaes, hemi mas kaikaim mit ya insaet long ples blong Tambu Haostent nomoa wea hemi tambu.

Levitikas 7:31

An prist wea hemi kapsaetem blad blong animol long olta, hemi mas bonem olketa gris ya long olta, bat datfala sest hemi blong olketa prist long laen blong Eron. Bat raet lek blong animol ya hemi wanfala spesol presen blong prist wea hemi mekem sakrifaes.

Nambas 18:31

Olketa samting ya i olsem pei blong yufala long waka wea yufala duim long Tambu Haostent. Yufala wetem famili blong yufala nao i save kaikaim long eni ples nomoa.

Leta wea Pol hemi raetem go long sios long Rom 6:16

Yufala save finis, taem yufala mekem yufala seleva fo obeim eniwan, bae hemi bosim yufala ya. Sapos yufala stap olsem wakaman blong sin, bae hemi mekem yufala fo dae. Sapos yufala stap olsem wakaman blong God fo obeim hem, bae hemi mekem yufala stret long ae blong hem.

1 Korin 10:18

Tingting fastaem abaotem olketa pipol blong Israel. Taem olketa kaikaim wanem olketa bin sakrifaesim long God, olketa joen wetem God long disfala olta nao ya.

1 Korin 9:24

Yufala save finis, nomata plande man nao i save ran long resis, bat wanfala long olketa nomoa hemi save winim praes. So yufala evriwan i mas ran gudfala, mekem yufala save tekem praes.

Diutronomi 10:9

Dastawe olketa no garem eni lan fo onam olsem olketa narafala traeb blong Israel i garem. Bikos Yawe, God blong yufala, hemi talem olketa dat hem save givim evrisamting olketa nidim fo olketa i laef long hem.)

1 Samuel 2:28

Long olketa traeb blong Israel, mi bin siusimaot yufala long laen blong Eron fo kamap prist blong mi. Mi siusim yufala fo waka long olta, an bonem insens, an werem tambu kaleko ya efod. An mi bin givim raet long laen blong Eron fo tekem pat blong olketa tambu sakrifaes wea pipol blong Israel bonem long olta.