1 Korin 8:10 - Pijin Bible

¹⁰ Yu nao yu garem diskaen “save” ya. ?Bat waswe nao sapos wanfala man wea tingting blong hem hemi no strong, hemi lukim yu long taem yu gohed fo kaikai nomoa long Tambuhaos blong laea god? !Bae yu nao yu mekem hem fo stat fo kaikaim moa disfala mit wea olketa sakrifaesim long olketa laea god ya!

Pijin Deuterocanon

¹⁰ Yu nao yu garem diskaen “save” ya. ?Bat waswe nao sapos wanfala man wea tingting blong hem hemi no strong, hemi lukim yu long taem yu gohed fo kaikai nomoa long Tambuhaos blong laea god? !Bae yu nao yu mekem hem fo stat fo kaikaim moa disfala mit wea olketa sakrifaesim long olketa laea god ya!

1 Korin 8:10 ပူးပေါင်းရင်းမြစ်များ

Emos 2:8

Yufala bin tekem olketa kaleko blong olketa puaman, mekem yufala save letem kaon long olketa. Bat yufala nating falom nomoa Lo wea hemi talem dat long ivining yufala mas givim baek olketa kaleko ya wea olketa save kava long hem. An samting wea hemi nogud tumas moa nao, yufala yusim nomoa fo mekem bed blong yufala kolsap long olketa olta. An waen wea olketa pipol i faen long hem fo yufala, yufala gohed fo dringim nomoa long bikfala fist insaet long tambuples blong olketa narafala god blong yufala.

Nambas 25:2

Olketa woman ya i askem olketa fo kam long fist blong olketa wea olketa wosipim god blong olketa. So olketa man blong Israel i kaikaim mit blong olketa sakrifaes an wosipim tu god ya.

Aposol 15:20

Bat wanem hemi gud fo yumi duim nao, yumi mas raetem leta long olketa an talem olketa fo no kaikaim eni kaikai wea olketa bin sakrifaesim go long olketa laea god, an olketa mas no durong wetem eniwan. An olketa mas no kaikaim eni animol wea olketa bin satem maos blong hem fo hem dae, an olketa mas no kaikaim eni blad tu.

Leta wea Pol hemi raetem go long sios long Rom 14:14

From mi joen wetem Masta blong yumi Jisas, mi barava save dat no eni kaikai hemi nogud. Bat sapos eniwan hemi tingse samfala kaen kaikai hemi save mekem hem fo no klin, hemi mas no kaikaim samting ya.

Leta wea Pol hemi raetem go long sios long Rom 14:23

Bat eniwan hu hemi garem tufala tingting abaotem samting hemi kaikaim, hemi sin nao, bikos hemi no savegud sapos hemi stret o nomoa. So enisamting wea yufala bilivim dat hemi no stret fo duim, hemi sin nao ya.

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 8:4

Nao long wei fo kaikaim mit wea olketa bin sakrifaesim go long olketa laea god ya, yumi save dat olketa laea god i piksa nating nomoa. Olketa no stap tru, wanfala God nomoa hemi stap.

1 Korin 8:7

Bat nomata olsem, i no evriwan nao i savegud abaotem diswan ya. Samfala pipol olketa bin wosipim tumas olketa laea god bifoa. Nao kam kasem distaem, taem olketa kaikaim diskaen mit, olketa tingim diswan olsem samting blong olketa laea god nomoa. Tingting blong olketa hemi no strong, an olketa tingse mit ya hemi mekem olketa fo no klin nao.

1 Korin 8:9

Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

Jajis 9:27

Nao olketa go long olketa plantesin blong grep an tekemaot olketa frut blong hem fo mekem waen. Long datfala taem, olketa mekem wanfala fist insaet long haos blong god blong olketa. Long fist ya olketa gohed fo kaikai an dring, an olketa tokspoelem Sif Abimelek.