1 Korin 7:6 - Pijin Bible

⁶ Mi talem diswan fo helpem yufala nomoa, an hemi no olsem wanfala lo wea yufala mas falom.

Pijin Deuterocanon

⁶ Mi talem diswan fo helpem yufala nomoa, an hemi no olsem wanfala lo wea yufala mas falom.

1 Korin 7:6 ပူးပေါင်းရင်းမြစ်များ

1 Korin 7:10

Nao yufala hu i marit finis, mi wande fo talem go wanfala strong toktok long yufala, wea hemi no toktok blong mi bat blong Masta. Woman hemi mas no lusim hasban blong hem.

1 Korin 7:12

Nao long yufala olketa nara pipol, mi nomoa mi talem toktok wea hemi no blong Masta. Sapos waef blong wanfala Kristin man hemi no biliv long Kraes bat hemi wiling fo stap marit wetem hasban blong hem, man ya hemi mas no divosim disfala woman.

1 Korin 7:25

Nao long toktok abaotem yufala pipol hu i no marit, mi no garem eni lo blong Masta, bat mi save talem go tingting blong mi seleva, bikos Masta hemi bin sore an kaen long mi an hemi mekem mi kamap man wea yufala save trastem.

1 Korin 7:40

Bat sapos woman ya hemi gohed fo stap singgol nomoa, bae hemi save stap hapi moa. Hem nao tingting blong mi, an mi biliv wea mi garem Spirit blong God.

2 Korin 11:17

Mi no tok olsem Masta hemi laekem mi fo toktok taem mi tokpraod. Mi tok olsem krangge man nomoa ya.

2 Korin 8:8

Mi no fosim yufala long diswan. Bat mi tokabaotem nomoa olketa sios hu i garem strongfala tingting fo helpem nara pipol, mekem mi save lukim sapos lav blong yufala hemi barava truwan tu.