1 Korin 7:35 - Pijin Bible

³⁵ Nao mi talem diswan long yufala bikos mi wande fo helpem yufala ya, an mi no wande fo mekem samting hemi had fo yufala. Mi laekem yufala fo barava givim yufala fo waka blong Masta an fo duim wanem hemi stret nomoa.

Pijin Deuterocanon

³⁵ Nao mi talem diswan long yufala bikos mi wande fo helpem yufala ya, an mi no wande fo mekem samting hemi had fo yufala. Mi laekem yufala fo barava givim yufala fo waka blong Masta an fo duim wanem hemi stret nomoa.

1 Korin 7:35 ပူးပေါင်းရင်းမြစ်များ

Matiu 19:12

Samfala man olketa no save marit bikos olketa bon kam olsem nao. An samfala man olketa no save marit bikos olketa man nao i mekem olketa olsem. Bat samfala moa olketa no laek fo marit bikos long saet long kingdom long Heven. Eniwan hu hemi save falom tising ya, hemi gud sapos hemi gohed falom nomoa.”

Matiu 22:15

Nao taem olketa Farasi olketa lusim disfala Tambuhaos ya, olketa tokabaotem wei fo askem samfala kuestin fo trikim Jisas.

Gudnius abaotem Jisas Kraes wea Luk hemi raetem 21:34

An Jisas hemi sei moa, “Yufala mas lukaot, nogud yufala gohed nomoa fo kaikai an dring an wari nomoa abaotem olketa samting long disfala laef. Nogud yufala seknomoa long de wea olketa samting ya hemi kasem yufala,

Gudnius abaotem Jisas Kraes wea Luk hemi raetem 8:14

An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa.

1 Korin 7:2

Bat bikos plande pipol tumas olketa i olobaot nomoa, hemi moabeta fo evri man hemi garem waef blong hem seleva, an fo evri woman hemi garem hasban blong hem seleva nomoa.

1 Korin 7:28

Bat nomata olsem, sapos yu gohed fo marit, hemi no rong. An sapos wanfala singgol woman hemi gohed fo marit, hemi no rong. Bat olketa pipol hu i marit olketa save kasem plande trabol long disfala wol, an mi no laekem diswan fo kasem yufala.

1 Korin 7:36

Nao sapos wanfala boe wetem wanfala gele tufala stap wea olketa mektambu long tufala fo marit, bat tufala sei hemi moabeta sapos tufala i no marit. Bat sapos boe ya hemi tingim moa bihaen wea wanem hemi duim hemi no stret, an hemi laekem tumas fo maritim gele ya, oraet, hemi gud nomoa fo tufala i marit. Diswan hemi no rong ya.

Efesas 5:3

Yufala i holi pipol blong God, an hemi no fitim fo yufala mekem eniwan save tingse dat yufala save durong wetem eniwan, o duim enikaen ravis samting olsem moa, o fo kavetem olketa samting blong nara pipol.

Filipae 4:8

Olketa fren, mi laek fo talem wanfala samting moa. Yufala mas tingabaotem nomoa olketa gudfala wei wea pipol i tinghae long hem. Olketa gudfala wei olsem: wanem hemi tru, an wanem hemi fitim fo tinghae long hem, an wanem hemi stret, an wanem hemi klin gudfala, an wanem hemi somaot tru lav, an wanem hemi stret fo laekem, an wanem hemi barava nambawan tumas, an wanem hemi fitim fo tokhae long hem.

1 Timoti 1:10

An hemi fo stretem olketa pipol hu i save durong wetem eniwan, an olketa hu i barava durong nogud, an olketa hu i save stilim pipol, an olketa hu i save talem laea olobaot, an olketa hu i save talem laea long kot, an olketa pipol hu i save duim enisamting moa wea hemi no falom gudfala tising.

Taetas 2:3

Yu mas tisim tu olketa olowoman fo gohed long gudfala wei, olsem wea hemi fitim olketa Kristin. Olketa mas no tokspoelem pipol, an mas no dringim tumas waen, bat olketa mas tisim olketa pipol abaotem gudfala wei.