1 Korin 7:29 - Pijin Bible

²⁹ Olketa fren, mi minim olsem, lelebet taem nomoa hemi stap yet. So stat long distaem, olketa man hu i garem waef finis, olketa mas stap olsem olketa no garem eni waef.

Pijin Deuterocanon

²⁹ Olketa fren, mi minim olsem, lelebet taem nomoa hemi stap yet. So stat long distaem, olketa man hu i garem waef finis, olketa mas stap olsem olketa no garem eni waef.

1 Korin 7:29 ပူးပေါင်းရင်းမြစ်များ

2 Samuel 19:34

Bat Basilae hemi tok olsem long king, “Bae mi no laef fo longtaem. ?An hao nao bae mi go wetem yu long Jerusalem?

Eklesiastes 6:12

Laef blong man long disfala wol hemi sot tumas, an hemi no fitim tingting blong yumi. ?Hu nao hemi save luksave long nambawan wei fo falom long laef wea hemi olsem sado nomoa? ?An hu nao hemi save talem man abaotem olketa samting wea bae i kamap bihaen long taem wea hemi dae finis?

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Esikiel 7:12

Hemi kasem taem nao, an disfala de wea bae mi panisim evri pipol hemi kam finis. Pipol hu i salem olketa samting o olketa hu i baem olketa samting, bae i nating hapi o sore nomoa long olketa samting wea olketa duim.

Gudnius abaotem Jisas Kraes wea Luk hemi raetem 14:20

An narawan moa hemi sei, ‘Mi ya, mi jes marit ya, so hemi had fo mi fo kam.’

1 Korin 7:28

Bat nomata olsem, sapos yu gohed fo marit, hemi no rong. An sapos wanfala singgol woman hemi gohed fo marit, hemi no rong. Bat olketa pipol hu i marit olketa save kasem plande trabol long disfala wol, an mi no laekem diswan fo kasem yufala.

1 Korin 7:30

An olketa hu i gohed fo krae, olketa mas stap olsem olketa no sore nomoa. Olketa hu i hapi tumas, olketa mas stap olsem olketa no hapi nomoa. An olketa hu i gohed fo baem olketa samting, olketa mas stap olsem olketa nating garem enisamting nomoa.

1 Korin 7:31

An olketa hu i garem olketa gudfala samting long disfala wol, olketa mas stap olsem olketa no garem nomoa olketa samting ya. Bikos disfala wol wea yumi lukim distaem ya, hemi kolsap kasem en blong hem nao ya.

1 Pita 1:24

Buktambu hemi talem olsem, “Evri pipol i olsem gras nomoa, an olketa gudfala samting blong olketa hemi olsem nomoa olketa flaoa. Gras hemi save kamap drae nomoa, an olketa flaoa save foldaon,

1 Pita 4:7

Yumi kam kolsap nao long taem wea evrisamting long disfala wol bae hemi lus finis. So hemi gud tumas fo yufala kontrolem yufala seleva an lukaot, mekem yufala save prea.

1 Jon 2:17

Disfala wol wetem evrisamting long hem wea pipol i laekem tumas ya, hemi kolsap kasem en blong hem nao. Bat eniwan hu hemi gohed fo falom tingting blong God, bae hemi laef olowe.