1 Korin 7:25 - Pijin Bible

²⁵ Nao long toktok abaotem yufala pipol hu i no marit, mi no garem eni lo blong Masta, bat mi save talem go tingting blong mi seleva, bikos Masta hemi bin sore an kaen long mi an hemi mekem mi kamap man wea yufala save trastem.

Pijin Deuterocanon

²⁵ Nao long toktok abaotem yufala pipol hu i no marit, mi no garem eni lo blong Masta, bat mi save talem go tingting blong mi seleva, bikos Masta hemi bin sore an kaen long mi an hemi mekem mi kamap man wea yufala save trastem.

1 Korin 7:25 ပူးပေါင်းရင်းမြစ်များ

Sams 78:63

Olketa yang man blong olketa i dae long faet, so olketa yang gele nomoa i stap, an no eni man nao fo maritim olketa.

1 Korin 15:10

Bat bikos God nao hemi lavem mi tumas, dastawe mi stap olsem distaem. An God hemi no westem lav blong hem nating. Nomoa ya. Mi bin wakahad tumas winim olketa nara aposol. Bat diswan hemi no barava waka blong mi seleva ya, kaenfala lav blong God nao hemi bin stap wetem mi fo duim diswan.

1 Korin 4:2

Nao wakaman ya, hemi mas duim gudfala waka fo Masta blong hem.

1 Korin 7:10

Nao yufala hu i marit finis, mi wande fo talem go wanfala strong toktok long yufala, wea hemi no toktok blong mi bat blong Masta. Woman hemi mas no lusim hasban blong hem.

1 Korin 7:12

Nao long yufala olketa nara pipol, mi nomoa mi talem toktok wea hemi no blong Masta. Sapos waef blong wanfala Kristin man hemi no biliv long Kraes bat hemi wiling fo stap marit wetem hasban blong hem, man ya hemi mas no divosim disfala woman.

1 Korin 7:28

Bat nomata olsem, sapos yu gohed fo marit, hemi no rong. An sapos wanfala singgol woman hemi gohed fo marit, hemi no rong. Bat olketa pipol hu i marit olketa save kasem plande trabol long disfala wol, an mi no laekem diswan fo kasem yufala.

1 Korin 7:34

an tingting blong hem hemi divaed long tufala haf. Wanfala woman hu hemi no marit o wanfala yang gele, hemi save wari nomoa long waka blong Masta, bikos hemi wande barava givim hem seleva go fo Masta. Bat wanfala woman hu hemi marit, hemi save wari tumas long olketa samting blong disfala wol, bikos hemi trae fo mekem hasban blong hem fo hapi.

1 Korin 7:40

Bat sapos woman ya hemi gohed fo stap singgol nomoa, bae hemi save stap hapi moa. Hem nao tingting blong mi, an mi biliv wea mi garem Spirit blong God.

1 Korin 7:6

Mi talem diswan fo helpem yufala nomoa, an hemi no olsem wanfala lo wea yufala mas falom.

2 Korin 11:17

Mi no tok olsem Masta hemi laekem mi fo toktok taem mi tokpraod. Mi tok olsem krangge man nomoa ya.

2 Korin 2:17

Mifala no olsem plande nara pipol wea olketa talemaot toktok blong God bikos olketa laek fo winim seleni. Nomoa. God nao hemi siusim mifala, an mifala toktru olowe long ae blong hem. Bikos mifala stap joen wetem Kraes, mifala talemaot toktok blong hem olsem wakaman blong God.