1 Korin 7:18 - Pijin Bible

¹⁸ Sapos wanfala man hemi kate finis taem God hemi kolem hem, hemi mas no trae fo mekem hem seleva olsem hemi no kate yet. An sapos wanfala hemi no kate taem God hemi kolem hem, hemi mas no mekem hem seleva fo kate.

Pijin Deuterocanon

¹⁸ Sapos wanfala man hemi kate finis taem God hemi kolem hem, hemi mas no trae fo mekem hem seleva olsem hemi no kate yet. An sapos wanfala hemi no kate taem God hemi kolem hem, hemi mas no mekem hem seleva fo kate.

1 Korin 7:18 ပူးပေါင်းရင်းမြစ်များ

Aposol 15:19

Jemes hemi gohed fo tok moa olsem, “Long tingting blong mi, yumi mas no mekem hem had tumas fo olketa pipol hu i no Jiu taem olketa stat fo falom God.

Aposol 15:24

Mifala bin herem finis wea samfala long seksin blong mifala, olketa bin kasem yufala an mekem trabol an mekem tingting blong yufala barava filnogud tumas long wanem olketa talem. Bat mifala no bin talem olketa fo duim olsem.

Aposol 15:28

Nao tingting blong mifala wea hemi tingting blong Holi Spirit tu, hemi fo mifala no putum eni hevi samting long yufala, bat olketa rul wea yufala mas falom nomoa hemi olsem.

Aposol 15:5

Bat samfala long olketa Farasi hu i kamap Kristin, olketa stanap nomoa an olketa sei, “Olketa hu i no Jiu ya, yufala mas mekem olketa fo kate an yufala mas tisim olketa fo obeim Lo blong Mosis.”

Aposol 21:21

An olketa herem nius wea hemi sei yu bin gohed fo tisim olketa Jiu hu i stap long olketa nara kantri, wea olketa mas no mekem olketa boe fo kate an olketa mas no falom olketa kastom blong yumi. Ya, olketa bin herem dat yu talem olketa fo lusim Lo blong Mosis.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.