1 Korin 7:17 - Pijin Bible

¹⁷ Yumi evriwan mas gohed nao long diskaen laef wea Masta hemi givim long yumi finis. Hemi diskaen laef wea yumi stap long hem taem God hemi kolem yumi. Diswan nao hemi wanfala rul wea mi talemaot long evri sios.

Pijin Deuterocanon

¹⁷ Yumi evriwan mas gohed nao long diskaen laef wea Masta hemi givim long yumi finis. Hemi diskaen laef wea yumi stap long hem taem God hemi kolem yumi. Diswan nao hemi wanfala rul wea mi talemaot long evri sios.

1 Korin 7:17 ပူးပေါင်းရင်းမြစ်များ

Matiu 19:12

Samfala man olketa no save marit bikos olketa bon kam olsem nao. An samfala man olketa no save marit bikos olketa man nao i mekem olketa olsem. Bat samfala moa olketa no laek fo marit bikos long saet long kingdom long Heven. Eniwan hu hemi save falom tising ya, hemi gud sapos hemi gohed falom nomoa.”

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 11:16

Sapos eniwan hemi laek fo raoa abaotem diswan, mi jes talem nomoa olsem, mifala wetem olketa sios blong God ya, mifala no garem eni nara wei fo falom.

1 Korin 11:34

An sapos eniwan hemi hanggre tumas, hemi mas kaikai kam long haos blong hem fastaem. Nogud God hemi jajem yufala from nogud wei blong yufala taem yufala kaikai tugeta. Nao abaotem olketa narasamting moa ya, bae mi stretem taem mi kam kasem yufala.

1 Korin 14:33

Bikos God hemi no laekem yumi fo enihao nomoa long olketa samting long sios, bat hemi laekem yumi fo stap gudfala tugeta. Olsem olketa pipol blong God long evri sios olketa tingim finis,

1 Korin 16:1

Nao mi wande fo talem yufala abaotem disfala koleksin fo helpem olketa pipol blong God long provins long Jiudia. Yufala mas duim wanem mi talem finis long olketa sios long provins long Galesia.

1 Korin 4:17

An dastawe nao mi sendem go Timoti, disfala man wea hemi olsem gudfala pikinini blong mi wea hemi duim gudfala waka tumas fo Masta. Bae hemi tisim yufala moa abaotem olketa rul wea mi falom long disfala niu laef wea yumi stap joen wetem Jisas Kraes, olsem mi save tisim olketa pipol blong sios long evri ples.

1 Korin 7:18

Sapos wanfala man hemi kate finis taem God hemi kolem hem, hemi mas no trae fo mekem hem seleva olsem hemi no kate yet. An sapos wanfala hemi no kate taem God hemi kolem hem, hemi mas no mekem hem seleva fo kate.

1 Korin 7:24

Olketa Kristin fren, yufala evriwan hu i stap tugeta wetem God, yufala mas gohed nomoa long semkaen laef olsem taem God hemi kolem yufala.

1 Korin 7:7

Long tingting blong mi seleva, mi laekem yufala evriwan fo stap olsem mi nomoa ya. Bat God hemi givim yumi olketa deferen spesol paoa ya. Samfala olketa garem wanfala kaen an samfala olketa garem deferen kaen.

2 Korin 11:28

Plande samting moa mi no save talem, bat long evri de nomoa mi save wari tumas long olketa sios.

2 Korin 8:18

An mifala sendem go wanfala brata tu wetem Taetas. Long evri sios olketa tinghae tumas long hem from waka blong hem fo talemaot Gudnius.

Galesia 1:22

Bat olketa Kristin pipol long olketa sios long provins long Jiudia, olketa no lukim fes blong mi yet.

1 Tesalonaeka 2:14

Olketa Kristin fren, samting wea hemi hapen long yufala ya, hemi hapen finis long olketa pipol blong Jisas Kraes long olketa sios blong God long Jiudia. Bikos olketa Jiu blong Jiudia nomoa i mekem olketa ya fo safa, olsem olketa wantok blong yufala olketa mekem yufala safa tu.

2 Tesalonaeka 1:4

Dastawe nao mifala gohed fo tokpraod abaotem yufala long olketa sios blong God. Mifala tokpraod abaotem disfala wei wea nomata yufala safa tumas an olketa spoelem yufala, bat yufala stanap strong an gohed nomoa fo biliv.