1 Korin 6:19 - Pijin Bible

¹⁹ ?Waswe, yufala no save dat bodi blong yufala hemi Tambuhaos blong Holi Spirit? God hemi givim kam Holi Spirit long yufala an hemi stap insaet long yufala. Yufala i no blong yufala seleva,

Pijin Deuterocanon

¹⁹ ?Waswe, yufala no save dat bodi blong yufala hemi Tambuhaos blong Holi Spirit? God hemi givim kam Holi Spirit long yufala an hemi stap insaet long yufala. Yufala i no blong yufala seleva,

1 Korin 6:19 ပူးပေါင်းရင်းမြစ်များ

1 Kings 20:4

So King Ehab hemi sendem go ansa blong hem olsem, “Yu king an masta blong mi. Wanem yu talem hemi stret. Mi nao an evrisamting wea mi garem i blong yu.”

1 Kronikols 29:14

“Bat mi an olketa pipol blong mi, mifala samting nating nomoa bikos mifala no garem enisamting wea i blong mifala seleva, mekem mifala save givim go long yu. Evrisamting wea mifala i givim go long yu i kam from yu nomoa.

Sams 100:3

Yufala mas luksave dat Yawe nao hemi God. Yumi i blong hem ya bikos hem nao hemi mekem yumi. Ya, yumi nao olketa pipol blong hem wea hemi lukaftarem.

Sams 12:4

“Mifala tok nomoa, an wanem mifala laekem hemi kam nao. Bae mifala save talem nomoa wanem mifala laek fo talem, evriwan i falom nao, an no eniwan save stopem mifala.”

Gudnius abaotem Jisas Kraes wea Jon hemi raetem 2:21

Bat disfala Tambuhaos wea Jisas hemi barava minim ya, hemi bodi blong hem seleva nomoa ya.

Leta wea Pol hemi raetem go long sios long Rom 8:9

Bat wei blong sin hemi no kontrolem yufala. Nomoa. Holi Spirit nao hemi kontrolem yufala, bikos Spirit blong God hemi stap insaet long yufala finis. An sapos eniwan hemi no garem Spirit blong Kraes, hemi no blong Kraes nao.

1 Korin 3:16

Yufala save finis wea yufala i Tambuhaos blong God ya an Spirit blong God hemi stap insaet long yufala.

1 Korin 6:13

Maet narafala man moa hemi sei, “Kaikai hemi samting fo helpem bele ya, an bele hemi fo holem kaikai nomoa.” Diswan hemi tru, bat tufala ya evriwan bae God hemi finisim nomoa. Bodi hemi no samting fo yusim fo durong wetem eniwan. Bodi hemi fo yusim long waka blong Masta an Masta nao hemi fo bosim disfala bodi ya.

1 Korin 6:3

?Waswe, yufala no save nomoa dat yumi bae jajem olketa enjel tu? So sapos olsem ya, olketa samting long distaem hemi smolfala samting nomoa fo stretem ya.

2 Korin 5:15

Kraes hemi dae fo helpem evriwan, mekem yumi evriwan hu i barava laef, yumi mas no gohed moa fo falom tingting blong yumi seleva. Nomoa. Yumi mas falom tingting blong Kraes hu hemi dae finis fo yumi an hemi laefbaek moa.

2 Korin 6:16

?Hao nao Tambuhaos blong God hemi save garem olketa laea god insaet? !Yumi nao tambuhaos blong God hu hemi laef! Bikos God hemi bin tok olsem, “Mi bae mi go stap wetem olketa pipol blong mi an bae mi wakabaot wetem olketa. Mi nao bae mi God blong olketa, an bae olketa nao pipol blong mi.”

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Jemes 4:5

Nao wanem Buktambu hemi talem hemi tru ya, “Laef wea God hemi putum insaet long yumi, hemi laekem tumas evrisamting.”

1 Pita 2:5

yufala tu i kamap olsem olketa ston wea i garem laef. An long paoa blong Holi Spirit, God hemi yusim yufala fo bildim tambuhaos blong hem. An yufala nao i olketa holi prist blong God. An long nem blong Jisas Kraes, yufala save ofarem olketa sakrifaes long God wea hemi hapi tumas long olketa.