1 Korin 4:21 - Pijin Bible

²¹ ?So wanem nao yufala laekem? ?Waswe, bae mi mas kam long yufala fo panisim yufala, o bae mi save kam fo somaot lav blong mi long yufala an fo helpem yufala long gudfala wei?

Pijin Deuterocanon

²¹ ?So wanem nao yufala laekem? ?Waswe, bae mi mas kam long yufala fo panisim yufala, o bae mi save kam fo somaot lav blong mi long yufala an fo helpem yufala long gudfala wei?

1 Korin 4:21 ပူးပေါင်းရင်းမြစ်များ

1 Korin 4:18

Samfala long yufala ya olketa tingse bae mi no save kam visitim yufala, so olketa kamap bikhed tumas long diswan.

1 Korin 5:5

An bae yumi mas givim go disfala man long han blong Seitan fo hemi spoelem bodi blong hem. Long wei ya, bae God nao hemi save sevem spirit blong hem long disfala De blong Masta.

2 Korin 1:23

God hemi save dat wanem mi talem hemi tru, bikos hemi save long maen blong mi. Mi no go long yufala long Korin yet, bikos mi no laek fo tokhad moa long yufala.

2 Korin 10:6

An taem yufala somaot dat yufala barava obeim hem, bae mifala redi fo panisim eniwan hu hemi no laek fo obei.

2 Korin 10:8

Masta hemi givim mifala paoa fo strongim biliv blong yufala, an hemi no fo daonem yufala. An nomata mi tokpraod lelebet abaotem disfala paoa, mi no save filsem long diswan.

2 Korin 12:18

Mi bin askem Taetas fo hemi go long yufala, an mi bin sendem go nara Kristin brata tu wetem hem. ?Waswe, yufala tingse Taetas nao hemi ravem yufala? !Yufala mas save, mitufala Taetas garem wanfala tingting nomoa an mitufala falom semkaen wei long waka nomoa!

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Korin 13:2

Long mektu taem mi stap wetem yufala, mi tokstrong long olketa pipol hu stap long wei blong sin. An distaem, taem mi no stap wetem yufala yet, mi talem olketa moa wetem olketa narawan hu i gohed fo sin, bae mi barava panisim olketa evriwan.

2 Korin 2:1

From diswan nao mi tingim strong dat mi no save go long yufala moa, nogud mi mekem yufala filnogud.

2 Korin 2:3

Dastawe mi raetem nara leta ya long yufala, bikos mi no wande lukim yufala long datfala taem. Nogud yufala hu i save mekem mi hapi, bae yufala mekem mi filnogud. Mi biliv dat sapos mi hapi, bae yufala evriwan hapi tu.

2 Korin 3:10

So disfala saen wea olketa lukim bifoa, hemi no nambawan nao, bikos disfala niufala saen blong paoa blong God hemi barava bik tumas moa.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

1 Tesalonaeka 2:7

Hemi tru wea mifala barava aposol blong Kraes. So sapos mifala laekem, mifala save askem plande samting long yufala, bat mifala no duim olsem. Taem mifala stap wetem yufala, mifala mekem olketa samting isi fo yufala. Mifala olsem wanfala mami wea hemi lukaftarem gud olketa pikinini blong hem.

Jemes 3:17

Nao man wea hemi garem disfala waes tingting wea hemi kam from God, hemi no save duim eni ravis samting. Hemi no fevarem samfala pipol nomoa, an hemi no trae fo laea long wei blong hem, an hemi no wande raoa. Bat hemi kuaet long wei blong hem, an hemi fren gudfala long evriwan, an hemi barava sore long pipol, an hemi duim evri gudfala samting fo evriwan.