1 Korin 16:12 - Pijin Bible

¹² Nao Kristin fren blong yumi Apolos, mi talem hem plande taem fo go wetem olketa nara brata an visitim yufala ya. Long distaem hemi no tingting yet fo go, bat sapos hemi garem taem bihaen, bae hemi go.

Pijin Deuterocanon

¹² Nao Kristin fren blong yumi Apolos, mi talem hem plande taem fo go wetem olketa nara brata an visitim yufala ya. Long distaem hemi no tingting yet fo go, bat sapos hemi garem taem bihaen, bae hemi go.

1 Korin 16:12 ပူးပေါင်းရင်းမြစ်များ

Eklesiastes 3:1

Evrisamting hemi kamap long barava taem blong hem. An evrisamting yumi duim hemi save hapen nomoa long taem blong hem.

Gudnius abaotem Jisas Kraes wea Mak hemi raetem 6:21

Nao wanfala taem, Herod hemi mekem bikfala fist fo makem de wea hemi bon long hem. Hemi talem evri bikman long gavman blong hem an evri Kapten long ami an evri sif blong Galili fo kam long fist ya. An long taem ya nao, Herodias hemi faendem wei fo kilim Jon dae.

Aposol 18:24

Long taem ya tu, wanfala Jiu hu hemi bon kam long Aleksandria, hemi kam kasem Efesas. Nem blong hem Apolos, an hemi save tumas hao fo toktok, an hemi save tumas long olketa samting insaet long Buktambu.

Aposol 19:1

Taem Apolos hemi stap yet long taon long Korin, Pol hemi falom rod wea hemi go antap long olketa maonten, go-go hemi kasem long daon long biktaon long Efesas. Hemi mitim samfala Kristin,

Aposol 24:25

Bat taem Pol hemi gohed fo tokabaotem stretfala laef an hao man hemi save bosim hem seleva an hao God bae hemi jajem evriwan, Filiks ya hemi fraet nao, so hemi sei, “Ating hemi naf nao. Sapos mi garem taem moa bihaen, bae mi kolem yu kam.”

1 Korin 1:12

Mi minim diswan wea yufala save raoa tumas long toktok. Wanfala man hemi sei, “Mi long seksin blong Pol ya.” Narawan hemi sei, “Mi long seksin blong Apolos ya.” An narawan hemi sei moa, “Mi long seksin blong Pita ya.” An narawan hemi sei, “Mi long seksin blong Kraes ya.”

1 Korin 3:22

Nomata mi Pol an Apolos an Pita an disfala wol an laef an dae an olketa samting wea i stap o bae i kamap bihaen, evrisamting ya hemi blong yufala.

1 Korin 3:5

?Waswe, yufala tingse hu nao mitufala Apolos ya? Mitufala wakaman blong God nomoa ya wea mitufala helpem yufala fo biliv long God. Mitufala evriwan i duim nomoa waka wea God hemi givim kam long mitufala ya.

Taetas 3:13

An yu mas traehad fo helpem Apolos an disfala loea ya Sinas. Yu mas meksua tufala no sot long enisamting wea tufala nidim long gogo blong tufala.

Taetas 3:4

Bat nomata olsem, God hu hemi Sevia blong yumi, hemi duim diswan taem hemi somaot lav an wei blong hem fo kaen long evriwan.