1 Korin 16:10 - Pijin Bible

¹⁰ Sapos Timoti hemi kasem yufala, yufala mas lukaotem hem gudfala bikos hem tu hemi waka fo Masta olsem mi ya.

Pijin Deuterocanon

¹⁰ Sapos Timoti hemi kasem yufala, yufala mas lukaotem hem gudfala bikos hem tu hemi waka fo Masta olsem mi ya.

1 Korin 16:10 ပူးပေါင်းရင်းမြစ်များ

Aposol 16:1

Pol an Saelas tufala go kasem taon long Debe, an bihaen, tufala go moa long taon long Listra, wea wanfala Kristin, nem blong hem Timoti nao, hemi stap. Mami blong man ya hemi wanfala Jiu hu hemi Kristin, bat dadi blong hem hemi man blong Grik.

Aposol 19:22

An hemi sendem go Timoti an Erastas hu i save waka wetem hem, fo tufala go long Masedonia fastaem. An Pol hemi stap seleva fo lelebet taem moa long provins long Esia.

Leta wea Pol hemi raetem go long sios long Rom 16:21

Timoti hu hemi waka wetem mi, hemi sei halo long yufala. An Lusias an Jeson an Sosipata wea olketa i wantok blong mi, trifala sei halo long yufala tu.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

1 Korin 16:11

No eniwan long yufala i mas lukdaonem hem, bat yufala mas helpem hem fo gohed gudfala long gogo blong hem, mekem hemi kambaek long mi. Bikos mi weitem hem fo kam wetem olketa nara Kristin fren ya.

1 Korin 4:17

An dastawe nao mi sendem go Timoti, disfala man wea hemi olsem gudfala pikinini blong mi wea hemi duim gudfala waka tumas fo Masta. Bae hemi tisim yufala moa abaotem olketa rul wea mi falom long disfala niu laef wea yumi stap joen wetem Jisas Kraes, olsem mi save tisim olketa pipol blong sios long evri ples.

2 Korin 1:1

Mi Pol, wea God hemi mekem mi kamap aposol blong Jisas Kraes. Mi wetem Kristin brata blong yumi Timoti, mitufala raet go long yufala pipol blong God long Korin an long olketa nara ples long provins long Akaea.

2 Korin 6:1

Mifala waka tugeta wetem God, an askem strong long yufala fo no tekem olsem samting nating, disfala kaenfala lav wea God hemi somaot long yufala.

1 Tesalonaeka 3:2

an mitufala sendem go brata blong yumi Timoti fo kam long yufala. Timoti tu hemi wakaman blong God fo talemaot Gudnius abaotem Kraes. Mitufala sendem hem kam fo strongim moa biliv blong yufala.

1 Tesalonaeka 4:12

Long wei ya nao olketa pipol hu i no blong sios, bae olketa save tinghae long yufala. An bae yufala no wari fo askem eniwan fo olketa samting yufala nidim.