1 Korin 14:8 - Pijin Bible

⁸ ?An sapos no eniwan save bloum trampet gudfala, hao nao bae pipol i save dat hemi taem fo faet?

Pijin Deuterocanon

⁸ ?An sapos no eniwan save bloum trampet gudfala, hao nao bae pipol i save dat hemi taem fo faet?

1 Korin 14:8 ပူးပေါင်းရင်းမြစ်များ

Aesaea 27:13

An long taem ya, bae wanfala man hemi bloum trampet fo kolem evriwan long laen blong yumi wea olketa enemi i fosim olketa fo stap long Asiria an long Ijip, fo kam an wosipim Yawe long Tambu Maonten long Jerusalem.

Jeremaea 4:19

(Profet) !Ei! !Mi barava sore tumas! Haat blong mi hemi pampam fogud an bele blong mi hemi filnogud tumas. Mi kanduit stap kuaet nao, bikos mi herem bikfala noes blong olketa trampet, an mi herem olketa enemi singaot taem olketa kam fo mekem faet.

Joel 2:1

(Profet) !Sekiuriti! !Bloum trampet antap long tambu maonten long Saeon fo wonem olketa pipol! Yufala evri pipol blong Jiuda mas fraet an seksek, bikos De ya blong Yawe fo jaj hemi kolsap kam nao.

Emos 3:6

?Waswe, sapos olketa lida i bloum olketa trampet fo kolem olketa man fo faet, yufala tingse bae olketa pipol long ples ya i no seksek? ?An sapos bikfala trabol hemi kasem wanfala taon, yufala tingse i no Yawe nao hemi sendem kam long hem?

Nambas 10:9

Taem yufala go fo faet wetem olketa enemi hu trae fo spoelem lan blong yufala, yufala mas bloum tufala trampet ya kuiktaem fo trifala taem. An taem mi Yawe, God blong yufala, mi herem, bae mi tingim yufala, an sevem yufala from olketa enemi blong yufala.

1 Korin 14:7

Olketa samting wea i no garem laef, olsem bambu fo bloum o gita, hemi olsem tu. ?Sapos no eniwan i save plei gudfala long hem, hao nao yumi save heresave long singsing ya?