1 Korin 14:29 - Pijin Bible

²⁹ An fo talemaot eni mesij blong God, bae tu-tri nomoa i save duim. An olketa nara pipol nao i mas sekap gudfala long wanem olketa talemaot ya.

Pijin Deuterocanon

²⁹ An fo talemaot eni mesij blong God, bae tu-tri nomoa i save duim. An olketa nara pipol nao i mas sekap gudfala long wanem olketa talemaot ya.

1 Korin 14:29 ပူးပေါင်းရင်းမြစ်များ

Aposol 13:1

Nao long sios long Antiok, samfala profet an tisa nao olketa stap. An olketa ya nao, Banabas, an Simion wea nara nem blong hem Blakfala, an Manaen hu hemi grouap kam wetem Herod Antipas, an Lusias blong Saerin, an Sol.

1 Korin 12:10

an long samfala pipol moa hemi givim paoa fo mekem olketa mirakol. Long samfala pipol Holi Spirit hemi givim paoa fo talemaot eni mesij blong God, an long samfala pipol moa hemi givim paoa fo luksave long olketa deferen kaen paoa, sapos olketa blong God o nomoa. Long samfala pipol Holi Spirit hemi givim paoa fo toktok long olketa spesol kaen langguis ya, an long samfala pipol moa hemi givim paoa fo talemaot mining blong olketa kaen langguis olsem.

1 Korin 13:2

Nomata mi save talemaot eni mesij blong God, an nomata mi save long evrisamting wea hemi staphaed an mi garem evri save moa, an nomata mi garem strongfala biliv fo muvum olketa maonten, bat sapos mi no lavem olketa pipol, mi samting nating nomoa ya.

1 Korin 14:28

Bat sapos no eniwan i stap hu i save talem kam mining blong diskaen langguis, bae diswan hu hemi toktok long olketa spesol kaen langguis ya hemi mas stap kuaet nao. Hemi save talemaot toktok ya fo hem seleva an fo God nomoa i herem.

1 Korin 14:30

Bat sapos God bae hemi somaot kam samfala samting long wanfala hu i stap wetem yufala ya, bae man wea hemi go-gohed fo toktok ya, hemi mas weit fastaem.

1 Korin 14:32

Olketa pipol hu i save talemaot eni mesij blong God olketa mas duim diswan long gudfala wei.

1 Korin 14:37

Sapos wanfala man hemi tingse hem nao niusman blong God an hem nao garem paoa blong Holi Spirit, hemi mas save dat wanem mi raetem go long yufala ya hemi strongfala toktok blong Masta nao.

1 Korin 14:39

So olketa Kristin fren, yufala mas traehad fo disfala spesol paoa fo talemaot olketa mesij blong God. Bat yufala mas no stopem pipol hu i garem disfala paoa fo toktok long olketa spesol kaen langguis.