1 Korin 14:15 - Pijin Bible

¹⁵ ?So olsem, wanem nao bae mi duim? Mi mas prea long langguis blong Holi Spirit an mi mas prea long langguis blong mi seleva tu. An mi mas singsing long langguis blong Holi Spirit an mi mas singsing long langguis blong mi seleva tu.

Pijin Deuterocanon

¹⁵ ?So olsem, wanem nao bae mi duim? Mi mas prea long langguis blong Holi Spirit an mi mas prea long langguis blong mi seleva tu. An mi mas singsing long langguis blong Holi Spirit an mi mas singsing long langguis blong mi seleva tu.

1 Korin 14:15 ပူးပေါင်းရင်းမြစ်များ

Sams 47:7

!God nao hemi King ovarem evri ples long wol! !Yumi mas preisim hem long olketa singsing!

Aposol 21:22

?So wanem nao bae yumi duim? Bae olketa save herem nomoa wea yu kasem long hia finis ya,

Leta wea Pol hemi raetem go long sios long Rom 1:9

Mi waka fo God wetem evri tingting blong mi, fo talemaot Gudnius abaotem San blong hem. An God hemi save, mi tingim yufala oltaem long prea blong mi.

Leta wea Pol hemi raetem go long sios long Rom 3:5

?Waswe sapos nogud wei blong yumi hemi save somaot klia moa wea God nao hemi stret? ?Waswe, bae yumi tingim God hemi olsem wanfala man nomoa, mekem yumi sei hem nao hemi rong taem hemi panisim yumi?

Leta wea Pol hemi raetem go long sios long Rom 8:31

?Wanem nao bae yumi talem abaotem olketa samting ya? ?Sapos God hemi teksaet wetem yumi, hu nao hemi save agensim yumi?

1 Korin 10:19

?So waswe, diswan hemi minim dat olketa sakrifaes blong olketa laea god, hem nao bikfala samting tu? ?An olketa laea god nao olketa bikfala samting ya?

1 Korin 14:14

Nao taem mi prea long olketa spesol kaen langguis olsem, Holi Spirit nao hemi prea insaet long mi ya, bat tingting blong mi nao hemi no save mining blong hem.

1 Korin 14:19

Bat taem mi stap wetem olketa long sios, mi laek fo tisim olketa. An nomata mi talem nomoa faefala wod wea olketa save heremsave, hem nao hemi moabeta winim sapos mi talemaot plande taosen wod long olketa spesol kaen langguis.

1 Korin 14:26

Nao olketa Kristin fren, wanem mi minim hemi olsem ya. Taem yufala kam tugeta fo prea, evriwan nao i save help. Wanfala hemi save singsing, an narawan hemi save tisim samfala samting, an narawan hemi save talem wanem God hemi bin somaot long hem, an narawan hemi save toktok long olketa spesol kaen langguis, an narawan hemi save talem kam mining blong disfala toktok ya. Evrisamting ya hemi mas helpem biliv blong evriwan.

Efesas 6:18

Taem yufala duim olketa samting ya, yufala mas prea an askem God fo helpem yufala. An yufala mas prea oltaem long paoa blong Holi Spirit. So yufala mas lukaot gudfala an no givap fo prea oltaem fo evri pipol blong God.

Filipae 1:18

Bat nomata olsem, hemi gud nomoa fo olketa talemaot toktok abaotem Kraes long enikaen wei. Mi hapi long hem, nomata olketa falom rong tingting blong olketa seleva o olketa falom stretfala tingting. An bae mi gohed fo hapi moa,

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Jemes 5:13

Sapos eniwan long yufala hemi garem enikaen trabol, hemi mas prea long God. An sapos eniwan hemi filhapi, hemi mas singsing fo mekhae long God.

Jiud 1:20

Bat yufala olketa Kristin fren, biliv blong yufala hemi barava holi an hemi faondesin blong laef blong yufala. Yufala mas wakahad tugeta fo bildim laef blong yufala antap long hem, an yufala mas prea long paoa blong Holi Spirit.