1 Korin 11:27 - Pijin Bible

²⁷ So sapos eniwan hemi kaikai an dring long disfala bred an kap blong Masta long wei wea hemi nogud, man ya hemi spoelem bodi an blad blong Masta nao ya.

Pijin Deuterocanon

²⁷ So sapos eniwan hemi kaikai an dring long disfala bred an kap blong Masta long wei wea hemi nogud, man ya hemi spoelem bodi an blad blong Masta nao ya.

1 Korin 11:27 ပူးပေါင်းရင်းမြစ်များ

Nambas 9:10

“Rul blong yufala wetem olketa wea bae i bon kam bihaen long yufala hemi olsem: Long taem blong Fist blong Pasova, eniwan long yufala hu hemi no klin long ae blong mi bikos hemi tasim bodi blong man dae, o hemi wakabaot go long wanfala farawe ples, bae hemi save mekem fist ya, bat hemi mas mekem long mekfotin de long mektu mans. Olketa mas kaikaim mit blong smolfala sipsip wetem olketa bred wea no eni yist long hem, an olketa saoa lif.

Nambas 9:13

Bat maet samwan long yufala hemi nating mekem fist ya nomata hemi klin long ae blong mi, an hemi no go-go long farawe ples. Sapos olsem, disfala man hemi mas finis from pipol blong Israel bikos hemi nating givim eni ofaring kam long mi long barava taem. Datfala man hemi fit fo panis from sin blong hem.

Matiu 22:11

“Nao king hemi kam fo lukim evriwan wea olketa kam long fist ya. An hemi lukim wanfala man hu hemi werem kaleko wea hemi nating fit fo werem long taem blong fist blong marit.

Gudnius abaotem Jisas Kraes wea Jon hemi raetem 6:51

Mi ya, mi nao disfala kaikai wea hemi kamdaon long heven an givim tru laef. Eniwan hu hemi kaikaim, bae hemi gohed fo laef olowe. Disfala kaikai nao hemi bodi blong mi ya, wea bae mi givim go long olketa pipol long disfala wol, mekem evriwan i save laef.”

1 Korin 10:21

Hemi nating fitim fo yufala dring long kap blong Masta an long kap blong devol tu. An hemi nating fitim fo yufala kaikai long tebol blong Masta an long tebol blong devol tu.

1 Korin 11:29

Bikos sapos eniwan hemi gohed kaikaim disfala bred an dring long disfala kap, bat hemi no luksave dat diswan hemi bodi blong Masta ya, man ya hemi putum hem seleva andanit long panis blong God nao ya.

Hibrus 10:29

?Sapos olsem, wanem nao bae hemi hapen long wanfala man sapos hemi lukdaon long San Blong God? !Bae bikfala panis moa hemi kasem man olsem ya! Blad blong Kraes wea hemi mekem spesol agrimen blong God fo kamtru, hem nao hemi bin mekem disfala man ya fo kamap holi long ae blong God. Bat disfala man ya hemi ting dat blad blong Kraes hemi samting nating nomoa, an hemi tokdaonem tu Holi Spirit hu hemi bin somaot kaenfala lav long hem.