1 Korin 11:23 - Pijin Bible

²³ Disfala tising wea Masta hemi talem mi, hem nao mi talemaot long yufala finis. An disfala tising hemi olsem. Long disfala naet wea Jiudas hemi givim go Jisas long han blong olketa enemi, Masta blong yumi hemi holem wanfala bred,

Pijin Deuterocanon

²³ Disfala tising wea Masta hemi talem mi, hem nao mi talemaot long yufala finis. An disfala tising hemi olsem. Long disfala naet wea Jiudas hemi givim go Jisas long han blong olketa enemi, Masta blong yumi hemi holem wanfala bred,

1 Korin 11:23 ပူးပေါင်းရင်းမြစ်များ

Matiu 26:17

Long fas de long olketa Bikde blong Bred wea hemi No Garem Eni Yist long hem ya, olketa disaepol olketa kam an askem Jisas olsem nao, “?Waswe, long wea nao yu laekem mifala fo go an mekredi long disfala kaikai blong Pasova fo yu long hem?”

Matiu 26:2

“Yufala save finis, neks tumoro hemi Fist blong Pasova ya. Long taem ya, bae olketa givim mi San Blong Man, go long han blong olketa pipol fo olketa nilam mi dae long kros ya.”

Matiu 26:34

Bat Jisas hemi sei long hem, “Pita, mi talem yu tru samting nao, bae long disfala naet, taem kokorako hemi no krae yet, trifala taem nao bae yu talem yu nating save long mi.”

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Gudnius abaotem Jisas Kraes wea Luk hemi raetem 22:17

An Jisas hemi holem wanfala kap long waen an hemi talem tengkiu long God, an hemi sei, “Yufala tekem diswan an yufala evriwan dring long hem.

Aposol 20:7

Nao long Satade naet mifala kam an hipap fo prea an fo kaikai tugeta. An Pol hemi gohed fo talemaot toktok blong God long olketa Kristin ya. An from hemi save dat hemi mas lusim olketa long neks de moa, hemi toktok go-go kasem long midol long naet nao.

1 Korin 10:16

Yufala tingim disfala Kap blong Blesing wea yumi save talem tengkiu long God fo hem. Taem yumi dring long kap ya, yumi joen wetem blad blong Kraes nao. An disfala bred wea yumi brekem ya, taem yumi kaikaim, yumi joen wetem bodi blong Kraes nao.

1 Korin 15:3

Olketa nambawan toktok wea mi tekem fastaem, hem nao mi talemaot long yufala finis. Hemi olsem. Kraes hemi dae fo aotem olketa sin blong yumi, olsem Buktambu hemi talem.

Galesia 1:1

Mi Pol, wea Jisas Kraes an God Dadi blong yumi, i mekem mi kamap aposol. Olketa pipol i no siusim mi o mektambu long mi olsem. Nomoa. God hu hemi mekem Jisas fo laefbaek moa from dae, hem nao hemi duim.

Diutronomi 4:5

“Mi tisim yufala finis long olketa lo an rul barava olsem wea Yawe, God blong mi, hemi talem long mi. Mi duim olsem mekem yufala falom olketa lo ya taem yufala stap long lan wea bae yufala tekova long hem.

Kolosi 3:24

Yufala mas save dat Masta ya nao bae hemi givim gudfala samting long yufala, wea bae yufala kasem tru laef long heven wea hemi putum redi finis fo olketa pipol blong hem. Bikos Kraes nao hemi barava Masta wea yufala waka fo hem.

1 Tesalonaeka 4:2

Bikos yufala save finis long olketa toktok wea mifala talem long yufala long nem blong Jisas Masta blong yumi.