1 Korin 10:11 - Pijin Bible

¹¹ Nao olketa samting wea i hapen long olketa olo blong yumi ya, hemi olsem olketa piksa wea olketa raetemdaon fo wonem yumi. Bikos yumi stap long taem wea hemi kolsap long en blong disfala wol ya.

Pijin Deuterocanon

¹¹ Nao olketa samting wea i hapen long olketa olo blong yumi ya, hemi olsem olketa piksa wea olketa raetemdaon fo wonem yumi. Bikos yumi stap long taem wea hemi kolsap long en blong disfala wol ya.

1 Korin 10:11 ပူးပေါင်းရင်းမြစ်များ

Jenesis 19:35

Nao long naet ya, tufala mekem hemi drang fogud moa, nao mektu gele ya hemi go slip moa wetem hem. Bat oloman ya hemi barava drang tumas moa, so hemi no save long samting ya hemi bin duim.

Sams 102:18

Yumi mas raetemdaon olketa samting wea Yawe hemi bin duim, mekem olketa pipol wea bae i bon kam bihaen i save ridim an preisim hem, Ya, yumi raetem olsem,

Matiu 13:39

An disfala enemi hu hemi plantem olketa ravis sid ya, hem nao Seitan. Taem wit hemi redi fo tekem ya, hem nao en blong disfala wol, an olketa pipol wea olketa tekemaot olketa wit ya, hem nao olketa enjel.

Matiu 13:40

Diskaen wei wea olketa go tekemaot olketa ravis gras fo go bonem long faea, hem nao hemi olsem wanem bae hemi hapen long en blong wol.

Leta wea Pol hemi raetem go long sios long Rom 13:11

Mi talem yufala fo duim olketa samting ya, bikos yufala save finis long disfala taem wea yumi stap long hem. Hemi kasem taem nao fo yufala wekap long slip blong yufala, bikos distaem hemi kolsap tumas nao fo God hemi kam fo sevem yumi, winim taem wea yumi jes stat fo biliv.

Leta wea Pol hemi raetem go long sios long Rom 13:12

Distaem, naet hemi kolsap finis an delaet hemi kolsap kam. So yumi mas lusim nao waka blong naet, an yumi mas holem moa olketa samting fo faet long delaet.

Leta wea Pol hemi raetem go long sios long Rom 15:4

Evrisamting wea olketa raetem long Buktambu bifoa, hem fo tisim yumi, mekem biliv blong yumi strong an mekem yumi wiling fo weit nomoa fo olketa samting wea God hemi promisim yumi.

Leta wea Pol hemi raetem go long sios long Rom 4:23

Disfala toktok ya, “hemi lukim hem olsem stretfala man,” hemi no fo Ebraham nomoa,

1 Korin 10:6

Nao olketa samting ya, hemi olsem olketa piksa fo wonem yumi. Nogud yumi laekem tumas olketa ravis samting, olsem olketa olo blong yumi olketa duim ya.

1 Korin 7:29

Olketa fren, mi minim olsem, lelebet taem nomoa hemi stap yet. So stat long distaem, olketa man hu i garem waef finis, olketa mas stap olsem olketa no garem eni waef.

1 Korin 9:10

?O waswe, hemi toktok abaotem yumi nomoa taem hemi tok olsem? Ya, hemi tokabaotem yumi nao ya. Man hu hemi plantem kaikai an man hu hemi tekemaot kaikai taem hemi redi, tufala evriwan i biliv wea bae tufala save tekem haf kaikai long wanem tufala waka long hem.

Galesia 4:24

Olketa samting ya yumi save lukim olsem tokpiksa, wea tufala woman ya tufala somaot tufala kaen spesol agrimen. Wanfala spesol agrimen hemi stat kam long maonten long Saenae, an diswan nao hemi Haga hu hemi bonem kam olketa pikinini fo stap slev nomoa.

Filipae 4:5

Yufala mas kaen gudfala long evri pipol, bikos Masta hemi kolsap kam nao.

Hibrus 10:25

Yumi mas no les fo hipap tugeta fo prea oltaem, nomata samfala pipol olketa les finis. Yumi mas gohed fo helpem yumi evriwan fo stanap strong go moa, bikos disfala De blong Masta ya, hemi kam kolsap nao.

Hibrus 10:37

Bikos Buktambu hemi tokabaotem diswan olsem, “Man wea hemi redi fo kam ya, no longtaem nomoa, bae hemi kam.

1 Jon 2:18

Olketa pikinini blong mi, distaem yumi kolsap kasem en blong disfala wol nao. Yufala herem bifoa, wea disfala man hu olketa kolem “Enemi blong Kraes”, bae hemi kam. Distaem, plande enemi blong Kraes nao i kamaot klia finis. So hem nao yumi save dat en blong disfala wol hemi kam kolsap finis.