1 Kings 9:24 - Pijin Bible

²⁴ An taem king hemi finisim bikfala haos blong waef blong hem wea hemi dota blong king blong Ijip, Solomon hemi tekem hem goaot long Biktaon blong Deved, fo go stap long haos blong hem. Bihaen, hemi fulumapem graon long wanfala eria long saet long hil insaet long Jerusalem wea hemi save wakem olketa haos antap long hem.

Pijin Deuterocanon

²⁴ An taem king hemi finisim bikfala haos blong waef blong hem wea hemi dota blong king blong Ijip, Solomon hemi tekem hem goaot long Biktaon blong Deved, fo go stap long haos blong hem. Bihaen, hemi fulumapem graon long wanfala eria long saet long hil insaet long Jerusalem wea hemi save wakem olketa haos antap long hem.

1 Kings 9:24 ပူးပေါင်းရင်းမြစ်များ

2 Samuel 5:7

Bat wea, Deved hemi winim disfala strongfala taon ya long Saeon. Bihaen, olketa kolem hem “Biktaon blong Deved”.

2 Samuel 5:9

Taon ya hemi wanfala strong sefples, an taem Deved hemi winim taon ya, hemi kolem hem, “Biktaon blong Deved”. Nao hemi mekem taon ya bikfala moa. Hemi stat long ples wea olketa fulumap graon long saet long ist wea hemi save wakem olketa haos antap long hem.

1 Kings 11:27

Hem nao stori abaotem hao Jeroboam hemi agensim King Solomon. King hemi mekem olketa fo fulumapem graon long wanfala eria long saet long hil insaet long Jerusalem wea hemi save wakem olketa haos antap long hem, an bildim moa olfala pat long bikfala wolston long Jerusalem.

1 Kings 3:1

Nao King Solomon hemi mekem wanfala spesol agrimen wetem king blong Ijip. An fo mekem agrimen hemi strong, King Solomon hemi maritim dota blong king ya. Hemi tekem woman ya an tufala go stap long Biktaon blong Deved go-go hemi finisim haos blong hem, an Tambuhaos blong Yawe, an bikfala wolston wea hemi goraonem Jerusalem.

1 Kings 7:8

Bihaen long Haos fo Jaj, i garem wanfala narafala haos moa wea hemi wakem long sem wei. Haos ya hemi haos wea King Solomon hemi stap kam long hem. An hemi garem wanfala haos fo waef blong hem wea hemi dota blong king blong Ijip, olketa wakem tu long sem wei.

2 Kronikols 32:5

An king hemi gohed fo wakembaek moa bikfala wolston blong Jerusalem, an hemi wakem olketa gadhaos antap long hem tu. An aotsaet long wolston ya, hemi wakem narafala wolston moa fo goraonem taon ya. An hemi wakembaek tu wolston fo fulumapem graon long wanfala eria long seksin olketa kolem Biktaon blong King Deved. An hemi mekem olketa man blong hem fo redim plande wepon an sil fo stopem aro.

2 Kronikols 8:11

An taem king hemi finisim bikfala haos blong waef blong hem wea hemi dota blong king blong Ijip, Solomon hemi tekem hem goaot long Biktaon blong Deved, fo go stap long haos blong hem. Hemi tok olsem, “Hemi no stret fo waef blong mi fo stap long bikfala haos blong dadi blong mi, bikos olketa ples wea Tambu Boks blong Yawe hemi bin stap long hem i holi.”