1 Kings 9:16 - Pijin Bible

¹⁶ King blong Ijip hemi bin mekem faet long taon long Gesa bifoa. Hemi winim taon ya, an hemi bonem hem. An hemi bin kilim dae olketa pipol blong Kenan long hem. Taem dota blong King long Ijip hemi maritim King Solomon, hemi givim Gesa go long dota blong hem olsem wanfala presen fo hem.

Pijin Deuterocanon

¹⁶ King blong Ijip hemi bin mekem faet long taon long Gesa bifoa. Hemi winim taon ya, an hemi bonem hem. An hemi bin kilim dae olketa pipol blong Kenan long hem. Taem dota blong King long Ijip hemi maritim King Solomon, hemi givim Gesa go long dota blong hem olsem wanfala presen fo hem.

1 Kings 9:16 ပူးပေါင်းရင်းမြစ်များ

1 Kings 3:1

Nao King Solomon hemi mekem wanfala spesol agrimen wetem king blong Ijip. An fo mekem agrimen hemi strong, King Solomon hemi maritim dota blong king ya. Hemi tekem woman ya an tufala go stap long Biktaon blong Deved go-go hemi finisim haos blong hem, an Tambuhaos blong Yawe, an bikfala wolston wea hemi goraonem Jerusalem.

1 Kings 7:8

Bihaen long Haos fo Jaj, i garem wanfala narafala haos moa wea hemi wakem long sem wei. Haos ya hemi haos wea King Solomon hemi stap kam long hem. An hemi garem wanfala haos fo waef blong hem wea hemi dota blong king blong Ijip, olketa wakem tu long sem wei.

1 Kings 9:24

An taem king hemi finisim bikfala haos blong waef blong hem wea hemi dota blong king blong Ijip, Solomon hemi tekem hem goaot long Biktaon blong Deved, fo go stap long haos blong hem. Bihaen, hemi fulumapem graon long wanfala eria long saet long hil insaet long Jerusalem wea hemi save wakem olketa haos antap long hem.

Josua 10:33

Paramaon Sif Horam blong taon long Gesa, hemi kam fo helpem olketa pipol blong Lakis, bat Josua wetem ami blong hem i kilim dae evriwan long olketa.

Josua 16:10

Olketa long traeb blong Efrem i nating ronemaot nomoa olketa pipol blong Gesa. Olketa stap tugeta nomoa wetem olketa ka-kam kasem tude, bat olketa long traeb blong Efrem i fosim olketa fo waka olsem slev.