1 Kings 9:15 - Pijin Bible

¹⁵ King Solomon hemi fosim olketa man fo duim waka long Tambuhaos blong Yawe, an long bikfala haos blong hem. Olketa waka tu fo fulumapem graon long wanfala eria long saet long hil insaet long Jerusalem wea hemi save wakem olketa haos antap long hem, an olketa bildim wolston blong biktaon ya tu. An olketa bildim moa trifala taon, wea olketa kolem, Hasoa, an Megido, an Gesa.

Pijin Deuterocanon

¹⁵ King Solomon hemi fosim olketa man fo duim waka long Tambuhaos blong Yawe, an long bikfala haos blong hem. Olketa waka tu fo fulumapem graon long wanfala eria long saet long hil insaet long Jerusalem wea hemi save wakem olketa haos antap long hem, an olketa bildim wolston blong biktaon ya tu. An olketa bildim moa trifala taon, wea olketa kolem, Hasoa, an Megido, an Gesa.

1 Kings 9:15 ပူးပေါင်းရင်းမြစ်များ

2 Samuel 5:9

Taon ya hemi wanfala strong sefples, an taem Deved hemi winim taon ya, hemi kolem hem, “Biktaon blong Deved”. Nao hemi mekem taon ya bikfala moa. Hemi stat long ples wea olketa fulumap graon long saet long ist wea hemi save wakem olketa haos antap long hem.

1 Kings 11:27

Hem nao stori abaotem hao Jeroboam hemi agensim King Solomon. King hemi mekem olketa fo fulumapem graon long wanfala eria long saet long hil insaet long Jerusalem wea hemi save wakem olketa haos antap long hem, an bildim moa olfala pat long bikfala wolston long Jerusalem.

1 Kings 12:4

“Dadi blong yu King Solomon hemi fosim mifala fo wakahad tumas. Sapos yu mekem evri hevi samting fo kamap isi lelebet fo mifala, an yu mekem mifala fo no barava wakahad olsem, bae mifala stap andanit long paoa blong yu an obeim evrisamting.”

1 Kings 3:1

Nao King Solomon hemi mekem wanfala spesol agrimen wetem king blong Ijip. An fo mekem agrimen hemi strong, King Solomon hemi maritim dota blong king ya. Hemi tekem woman ya an tufala go stap long Biktaon blong Deved go-go hemi finisim haos blong hem, an Tambuhaos blong Yawe, an bikfala wolston wea hemi goraonem Jerusalem.

1 Kings 4:12

Baana, san blong Ahilud, hemi lukaftarem tufala taon long Taanak an Megido. An hemi lukaftarem eria long Bet-San kolsap long taon long Saretan, eria ya hemi saot long taon long Jesreel, an hemi go kasem taon long Abel-Mehola an taon long Jokmeam.

1 Kings 5:13

Nao King Solomon hemi mekem 30,000 man kamaot from olketa ples long Israel, an fosim olketa fo duim waka ya.

1 Kings 6:38

An long mekleven yia blong king, long mans olketa kolem Bul, wea hemi mekeit mans blong yia, olketa finisim Tambuhaos. Olketa finisim hem barava olsem evrisamting long plan blong hem. King Solomon hemi tekem sevenfala yia fo bildim Tambuhaos.

1 Kings 9:10

King Solomon hemi wakem Tambuhaos blong Yawe an bikfala haos blong hem fo tuenti yia.

1 Kings 9:24

An taem king hemi finisim bikfala haos blong waef blong hem wea hemi dota blong king blong Ijip, Solomon hemi tekem hem goaot long Biktaon blong Deved, fo go stap long haos blong hem. Bihaen, hemi fulumapem graon long wanfala eria long saet long hil insaet long Jerusalem wea hemi save wakem olketa haos antap long hem.

2 Kings 12:20

Hemi garem tufala bikman, wea nem blong tufala, Josabad, san blong Simeat, an Jehosabad, san blong Soma. Nao tufala mekem plan fo kilim hem dae. So tufala kilim hem dae long Jerusalem long graon wea olketa bin fulumap fo mekem hem levol. Ples ya hemi kolsap long rod fo go long Sila. Bihaen, olketa berem hem long beregraon blong olketa olfala king long Biktaon blong King Deved. San blong hem, Amasaea, hemi sensim hem fo kamap king.

2 Kings 15:29

Long datfala taem, King Tiglat-Pilesa blong Asiria hemi kam fo faet long Israel. Hemi winim olketa taon long Ijon, an Abel-Bet-Maaka, an Janoa, an Kedes, an Hasoa, an olketa vilij blong tufala eria blong Gilead an Galili, an long distrik long Naftali. Hemi tekova long olketa ples ya, an hemi fosim olketa pipol fo go long Asiria.

2 Kings 9:27

Taem King Ahasaea hemi lukim samting ya, hem tu hemi tanem kaat fo faet blong hem, an hemi ranawe go long taon long Bet-Hagan. Bat Jehu hemi aftarem hem, an hemi tok olsem long olketa soldia blong hem, “!Yufala sutim hem dae!” King Ahasaea hemi falom rod go long Gua, an taem hemi kam kolsap long taon long Ibleam, olketa sutim hem. Bat hemi traehad, an go-go hemi kasem taon long Megido. Den hemi dae long taon ya.

1 Kronikols 20:4

Bihaen, ami blong Israel i go faetem moa ami blong Filistia long taon long Gesa. Long datfala taem, Sibekae, man blong Husa, hemi kilim dae Saf, wanfala nambawan soldia long laen blong Rafa long Filistia. An olketa barava winim ami blong Filistia.

1 Kronikols 6:67

Olketa garem Sekem, disfala taon fo haed wea hemi stap long olketa maonten long distrik blong Efrem. An olketa garem Gesa,

2 Kronikols 35:22

Bat King Josaea hemi no lisin long toktok wea God hemi mekem King Neko fo talem long hem. So hemi no lusim hem, bat hemi go fo faet. Bat taem hemi go, hemi werem olketa narafala kaleko, mekem olketa soldia blong Ijip i no luksave long hem. Den hemi go fo faetem olketa long bikfala flat eria long Megido.

2 Kronikols 8:1

King Solomon hemi wakem Tambuhaos blong Yawe an bikfala haos blong hem fo tuenti yia.

Sams 51:18

God, plis yu kaen long olketa pipol blong Saeon, an helpem olketa fo stanemap moa bikfala wolston ya blong Jerusalem.

Sekaraea 12:11

Long datfala de, olketa pipol long Jerusalem bae i krae tumas, olsem wea bifoa, olketa pipol i krae long Hadad-Rimon long flat ples ya kolsap long taon long Megido.

Josua 10:33

Paramaon Sif Horam blong taon long Gesa, hemi kam fo helpem olketa pipol blong Lakis, bat Josua wetem ami blong hem i kilim dae evriwan long olketa.

Josua 11:1

Taem Paramaon Sif Jabin blong taon long Hasoa hemi herem nius wea Josua wetem ami blong Israel i tekova finis long plande ples, hemi sendem go toktok long Paramaon Sif Jobab blong taon long Madon, an long paramaon sif blong taon long Simron, an paramaon sif blong taon long Aksaf.

Josua 16:10

Olketa long traeb blong Efrem i nating ronemaot nomoa olketa pipol blong Gesa. Olketa stap tugeta nomoa wetem olketa ka-kam kasem tude, bat olketa long traeb blong Efrem i fosim olketa fo waka olsem slev.

Josua 16:3

Den, hemi tane go long west saet wea hemi go-go kasem spialaen blong olketa long laen blong Jaflet bifoa, an hemi go moa kasem taon olketa kolem Bet-Horon Long Daon, an hemi go moa kasem taon long Gesa, an hemi en long Mediterenian Si.

Josua 17:11

Olketa long traeb blong Manase i garem samfala taon insaet long eria blong Asa an eria blong Isaka, wea nem blong olketa nao Bet-San, an Ibleam, wetem olketa vilij raon long tufala, wetem Endoa, an Taanak, an Megido an Doa wea hemi stap long saet si.

Josua 19:36

an Adama, an Rama an Hasoa,

Josua 21:21

Fas taon nao long Sekem, an hemi stap long olketa hil long datfala eria. An disfala taon tu hemi wanfala long olketa taon fo haed long hem. An nara trifala taon moa wea olketa onam nao i Gesa,

Jajis 1:29

An traeb blong Efrem hemi nating ronemaot tu olketa pipol blong Kenan wea i stap long taon long Gesa. So traeb ya hemi letem olketa fo stap nomoa long ples ya wetem olketa.

Jajis 4:2

So, Yawe hemi mekem Sif Jabin fo rul ovarem olketa. Sif ya hemi wanfala sif long Kenan. Taon blong hem nao Hasoa, an nem blong lida blong olketa soldia blong hem nao Sisera. Lida ya hemi kam from Haroset-Ha-Goeim.

Jajis 5:19

Olketa sif i kam fo faet. Ya, olketa sif blong Kenan i kam long faet. Nomata olsem, long Taanak kolsap long wata long Megido, olketa nating winim eni gud samting fo tekem gobaek.

Jajis 9:20

Bat sapos nomoa, letem Abimelek bae hemi olsem faea an bonem yufala hu i mekem hem fo kamap sif, an wei blong yufala long Sekem an Bet-Milo bae hemi olsem faea wea hemi bonem Abimelek tu.”

Jajis 9:6

Olketa pipol blong Sekem wetem olketa pipol blong Bet-Milo i kam tugeta long tambu ok tri long Sekem, an olketa mekem Abimelek fo hemi kamap sif blong olketa.