1 Kings 8:6 - Pijin Bible

⁶ Den olketa prist i karim Tambu Boks long Spesol Agrimen blong Yawe go insaet long Tambuhaos. Olketa putum insaet long Barava Tambu Rum andanit long wing blong tufala kaving blong enjel.

Pijin Deuterocanon

⁶ Den olketa prist i karim Tambu Boks long Spesol Agrimen blong Yawe go insaet long Tambuhaos. Olketa putum insaet long Barava Tambu Rum andanit long wing blong tufala kaving blong enjel.

1 Kings 8:6 ပူးပေါင်းရင်းမြစ်များ

2 Samuel 6:17

Olketa karim Tambu Boks go fo putum long ples blong hem insaet long haostent wea King Deved hemi mekem redi finis. Den hemi kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem Yawe.

2 Samuel 6:2

Den hemi lidim olketa go long taon long Baala long Jiuda. Olketa go fo tekem kambaek disfala Tambu Boks blong God wea hemi spesol samting blong Yawe hu hemi garem evri paoa, an hem nao hemi sidaon olsem king long midol long tufala enjel wea tufala antap long Tambu Boks ya.

1 Kings 6:16

An insaet long en blong Tambuhaos olketa wakem wanfala spesol rum wea olketa kolem “Barava Tambu Rum”. Longfala blong disfala rum hemi kasem naen mita, an olketa wakem wol blong hem long timba blong sida. Wol blong hem hemi stat long floa an go kasem ruf.

1 Kings 6:19

Olketa wakem Barava Tambu Rum olsem ples fo putum Tambu Boks blong Yawe.

1 Kings 6:27

Olketa stanemap tufala kaving long enjel ya insaet long Barava Tambu Rum. Nao en blong wing blong tufala enjel i tasim wol blong rum ya, an nara en blong wing blong tufala enjel i tugeta long midol.

1 Kings 8:3

Taem olketa kam tugeta finis, olketa prist i karim Tambu Boks,

1 Kings 8:4

an samfala narafala prist wetem olketa Livaet, i tekem go Tambu Haostent, wetem olketa narafala tambu samting. Olketa karim go olketa samting ya go long Tambuhaos blong Yawe.

1 Kings 8:7

Nao wing blong tufala enjel ya i ovarem Tambu Boks an tufala spesol stik fo karim hem.

1 Kronikols 22:19

Distaem, yufala mas barava tinghevi fo falom wei blong Yawe God blong yufala. Bae yufala mas bildim nao Tambuhaos fo mekhae long nem blong Yawe, mekem yufala save putum Tambu Boks blong Spesol Agrimen blong Yawe an olketa narafala tambu samting insaet long hem.”

2 Kronikols 5:7

Den olketa prist i karim Tambu Boks long Spesol Agrimen blong Yawe go insaet long Tambuhaos. Olketa putum insaet long Barava Tambu Rum andanit long wing blong tufala kaving blong enjel.

Sams 80:1

God, oltaem yu lukaftarem mifala pipol blong Israel, olsem olketa sipsip blong yu. Plis yu lisin kam long mifala. Yu nao yu king blong mifala, an yu sidaon long tron long midol long tufala enjel.

Sams 80:2

Plis yu somaot paoa blong yu fo mifala long traeb blong Efrem, an traeb blong Benjamin, an traeb blong Manase. Plis yu somaot paoa blong yu fo mifala evriwan, Ya, plis yu kam, an sevem mifala from olketa enemi.

Sams 99:1

!Yawe nao hemi king! An hemi sidaon long tron long midol long tufala enjel. Hemi gohed fo rul, an evri pipol i fraet an seksek fogud long paoa blong hem, an graon hemi seksek long hem.

Eksodas 37:9

An hemi mekem tu wea tufala enjel ya i gohed fo fesim tufala, an wea tufala luk godaon long kava ya. An hemi mekem wea wing blong tufala i spredaot go long tufala, mekem wing blong tufala ya i kavaremap antap long boks ya.

Aesaea 37:16

“!O Yawe hu yu garem evri paoa! Yu nao God blong mifala long Israel, an bikos yu nao yu king, yu sidaon long tron midol long tufala enjel. Yu nomoa yu tru God, an yu rul ovarem evri kingdom long disfala wol. Yu nao yu mekem skae an disfala graon.

Esikiel 10:5

Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Esikiel 41:4

Hemi mesarem tu disfala rum insaet. Rum ya hemi skuea, wea fofala saet blong hem hemi ten mita. Rum ya hemi bihaen long Tambu Rum, an man ya hemi tok olsem long mi, “Diswan nao hemi Barava Tambu Rum.”

1 Samuel 4:4

So olketa sendem samfala man fo go long Saelo, mekem olketa karim kam Tambu Boks. Tufala san blong Ilae, Hofni an Finehas, tufala nao i kam wetem Tambu Boks wea hemi saen blong Yawe hu hemi sidaon olsem king long midol long tufala enjel an hemi garem evri paoa.