1 Kings 7:7 - Pijin Bible

⁷ An hemi wakem haos blong tron wea olketa kolem “Haos fo Jaj”. Long haos ya King Solomon hemi gohed fo jajem olketa kes. Olketa wakem olketa wol blong hem long timba blong sida, stat long floa go kasem ruf.

Pijin Deuterocanon

⁷ An hemi wakem haos blong tron wea olketa kolem “Haos fo Jaj”. Long haos ya King Solomon hemi gohed fo jajem olketa kes. Olketa wakem olketa wol blong hem long timba blong sida, stat long floa go kasem ruf.

1 Kings 7:7 ပူးပေါင်းရင်းမြစ်များ

1 Kings 3:28

An taem olketa long Israel i herem nius abaotem wei wea king hemi jajem samting ya, olketa barava tinghae long hem. Olketa luksave dat God hemi bin givim waes tingting long hem fo jajem evrisamting long stretfala wei.

1 Kings 3:9

So plis yu mekem haat blong mi hemi waes mekem mi rul ovarem olketa long stretfala wei, an mekem mi save long wanem hemi stret an wanem hemi rong. Sapos nomoa, mi no save hao fo rul ovarem olketa.”

1 Kings 6:3

Varanda blong hem long frant long Tambuhaos hemi kasem foa an haf mita waed, an long blong hem hemi kasem naen mita, fitim waed blong Tambuhaos.

Sams 122:5

Long hia long Jerusalem nao, oltaem olketa king blong laen blong Deved i gohed fo mekem kot fo jajem yumi.

Provebs 20:8

Taem bikman hemi jajem man, hemi save faendemaot wanem hemi gud an wanem hemi nogud.

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.