1 Kings 7:49 - Pijin Bible

⁴⁹ Tenfala spesol frem blong olketa lam. Olketa putum faefala long saet long saot, an faefala long saet long not long frant long Barava Tambu Rum. Olketa kaving long olketa flaoa, an olketa lam, an olketa sisis fo holem faea,

Pijin Deuterocanon

⁴⁹ Tenfala spesol frem blong olketa lam. Olketa putum faefala long saet long saot, an faefala long saet long not long frant long Barava Tambu Rum. Olketa kaving long olketa flaoa, an olketa lam, an olketa sisis fo holem faea,

1 Kings 7:49 ပူးပေါင်းရင်းမြစ်များ

2 Kronikols 4:20

Tenfala spesol frem blong olketa lam, wetem olketa lam, olketa putum long frant long Barava Tambu Rum olsem Lo hemi talem.

2 Kronikols 4:7

Olketa wakem tenfala spesol frem blong lam falom plan blong olketa. An olketa wakem tenfala tebol. Nao olketa putum tenfala ya insaet long Tambuhaos ya. Olketa putum faefala spesol frem blong lam an faefala tebol long saet long saot, an faefala spesol frem blong lam an faefala tebol long saet long not. An olketa wakem 100 smolfala besin long gol.

Eksodas 25:23

Yawe hemi gohed fo tok olsem, “Bae yu mas wakem wanfala tebol long timba blong akesia tri. Longfala blong hem mas kasem 90 sentemita, an waed blong hem mas kasem 45 sentemita, an hae blong hem mas kasem 67 sentemita.

Eksodas 39:37

Spesol Frem fo putum Lam wea olketa wakem long nambawan gol, wetem olketa samting blong hem, an olketa lam blong hem wetem oel fo olketa.

Jeremaea 52:19

An Nebusaradan hemi tekem olketa baol, an olketa samting fo holem insens, an olketa besin, an olketa baket fo holem asis, an olketa lam, an olketa plet, an olketa dis, wetem evri narafala samting wea olketa bin wakem long nambawan gol an silva.

Nambas 4:9

“An trifala mas tekem narafala blu kaleko, an kavaremap Spesol Frem fo putum Lam an samting fo kilim laet, an olketa trei, an olketa botol oel.

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”