1 Kings 7:2 - Pijin Bible

^2-3 Hemi bildim wanfala haos wea olketa kolem “Haos long Olketa Tri blong Lebanon”. Olketa givim nem ya long hem bikos hemi bildim long olketa sida tri from Lebanon. Long blong haos ya hemi kasem foti-faev mita, an waed blong hem hemi kasem tuenti-tu an haf mita, an hae blong hem hemi kasem tetin an haf mita. Haos ya hemi garem fofala laen blong olketa bikfala pos blong sida. Evri laen blong pos hemi garem fiftin pos long hem. Antap long olketa pos, olketa putum foti-faev bikfala timba blong sida. An antap long olketa bikfala timba ya olketa wakem ruf long olketa timba blong sida.

Pijin Deuterocanon

^2-3 Hemi bildim wanfala haos wea olketa kolem “Haos long Olketa Tri blong Lebanon”. Olketa givim nem ya long hem bikos hemi bildim long olketa sida tri from Lebanon. Long blong haos ya hemi kasem foti-faev mita, an waed blong hem hemi kasem tuenti-tu an haf mita, an hae blong hem hemi kasem tetin an haf mita. Haos ya hemi garem fofala laen blong olketa bikfala pos blong sida. Evri laen blong pos hemi garem fiftin pos long hem. Antap long olketa pos, olketa putum foti-faev bikfala timba blong sida. An antap long olketa bikfala timba ya olketa wakem ruf long olketa timba blong sida.

1 Kings 7:2 ပူးပေါင်းရင်းမြစ်များ

1 Kings 10:17

An hemi yusim gol fo wakem 300 smolfala sil. Hevi blong wanfala hemi kolsap kasem tu kilo. Hemi putum olketa sil ya insaet long Haos long Olketa Tri blong Lebanon.

1 Kings 10:21

An evri kap blong King Solomon, olketa wakem long gol. An evri narafala samting wea olketa yusim long disfala Haos long Olketa Tri blong Lebanon, olketa wakem long gol nomoa. Olketa no yusim silva fo wakem olketa samting ya bikos long taem blong Solomon, olketa tingse silva hemi samting nating nomoa.

1 Kings 9:1

King Solomon hemi finisim olketa waka long Tambuhaos blong Yawe, an long bikfala haos blong hem seleva, an long olketa narafala samting wea hemi laek fo bildim.

1 Kings 9:19

An olketa bildim olketa taon fo putum kaikai, an olketa taon fo kipim olketa kaat fo faet an olketa hos blong hem. An olketa bildim olketa narafala samting wea hemi laek fo bildim long Jerusalem, an long Lebanon, an long olketa narafala ples long eria wea hemi king ovarem.

2 Kronikols 9:16

An hemi yusim gol fo wakem 300 smolfala sil. Hevi blong wanfala hemi kolsap kasem tu kilo. Hemi putum olketa sil ya insaet long Haos long Olketa Tri blong Lebanon.

Nambawan Singsing 7:4

Nek blong yu hemi raon an hemi smut naes. Tufala ae blong yu hemi saen fogud olsem olketa pul long wata long taon long Hesbon, wea i stap kolsap long geit long Bat-Rabim. Nous blong yu hemi sap an hemi luknaes tumas olsem hae taoa ya long Lebanon wea olketa save lukim go Damaskas.

Aesaea 22:8

Long disfala kantri, Yawe hemi mekem yufala no fit fo gadem yufala seleva. Taem yufala lukim disfala samting, yufala ran go fo karim kam olketa wepon from haos wea yumi putum olketa samting ya long hem.