1 Kings 6:5 - Pijin Bible

⁵ An long aotsaet blong wol ya, long tufala saet an long bihaen, hemi garem narafala haf blong Tambuhaos moa wea hemi joen long wol ya, an hemi garem olketa rum wea i tristori hae.

Pijin Deuterocanon

⁵ An long aotsaet blong wol ya, long tufala saet an long bihaen, hemi garem narafala haf blong Tambuhaos moa wea hemi joen long wol ya, an hemi garem olketa rum wea i tristori hae.

1 Kings 6:5 ပူးပေါင်းရင်းမြစ်များ

1 Kings 6:16

An insaet long en blong Tambuhaos olketa wakem wanfala spesol rum wea olketa kolem “Barava Tambu Rum”. Longfala blong disfala rum hemi kasem naen mita, an olketa wakem wol blong hem long timba blong sida. Wol blong hem hemi stat long floa an go kasem ruf.

1 Kings 6:31

Tufala doa blong Barava Tambu Rum, olketa wakem long timba blong oliv tri. An pos blong tufala doa ya i garem faefala saet.

1 Kings 6:6

Long fas stori long daon, waed blong olketa rum hemi winim tufala mita. Long mektu stori, waed blong olketa rum i winim tu an haf mita, an long mektri stori, waed blong olketa rum i winim tri mita. Hem nao bikos wol blong Tambuhaos long daon hemi barava tik fogud, an long mektu stori hemi tik nomoa, an long mektri stori antap hemi no tik olsem long daon. Long wei olsem, hemi garem ples long wol wea olketa timba blong olketa rum aotsaet i save sidaon antap gudfala long pat long wol, an no eni timba hemi go insaet long wol blong Tambuhaos.

1 Kronikols 23:28

Olketa helpem olketa prist hu i bon kam nomoa long laen blong Eron long wosip long Tambuhaos blong Yawe. An olketa gohed fo lukaftarem olketa open eria raonem Tambuhaos an olketa rum blong Tambuhaos ya. An olketa gohed fo mekem klin olketa tambu samting tu.

1 Kronikols 28:11

Den Deved hemi givim olketa plan blong Tambuhaos ya long hem. Hemi givim plan long varanda blong Tambuhaos, an plan long olketa stoarum, an plan long olketa pat long antap, an plan blong olketa rum insaet long Tambuhaos, an plan blong Barava Tambu Rum wea Yawe hemi save tekemaot sin blong man.

1 Kronikols 9:26

Bat fofala Livaet hu i lida blong olketa sekiuriti ya, olketa bin lukaftarem olketa rum insaet long Tambuhaos blong God, an lukaftarem olketa samting wea olketa prist i putum insaet long olketa rum ya.

2 Kronikols 31:11

Den King Hesekaea hemi talem long olketa fo redim olketa stoarum insaet long Tambuhaos blong Yawe.

2 Kronikols 4:20

Tenfala spesol frem blong olketa lam, wetem olketa lam, olketa putum long frant long Barava Tambu Rum olsem Lo hemi talem.

2 Kronikols 5:7

Den olketa prist i karim Tambu Boks long Spesol Agrimen blong Yawe go insaet long Tambuhaos. Olketa putum insaet long Barava Tambu Rum andanit long wing blong tufala kaving blong enjel.

2 Kronikols 5:9

Tufala spesol stik ya i longfala tumas, an sapos eniwan hemi stanap long bikfala Tambu Rum, hemi save lukim en blong tufala spesol stik ya. Bat sapos hemi stanap aotsaet long Tambuhaos hemi no save lukim. Tufala spesol stik ya i stap yet long dea kam kasem tude.

Nehemaea 10:37

“Mifala promis fo tekem kam long olketa prist long evri yia, fas flaoa wea mifala wakem long deferen kaen wit blong mifala, an niufala waen an niufala oliv oel wea mifala wakem, an olketa fas frut blong olketa tri blong mifala wea mifala tekemaot, fo olketa save stoarem insaet long spesol rum insaet long Tambuhaos blong God. An bae mifala tekem kam tu wanfala haf long evri ten blong olketa kaikai long gaden blong mifala fo givim long olketa Livaet taem olketa kam raon fo kolektem olketa ten long kaikai ya.

Nehemaea 12:44

Long datfala taem, olketa siusim wanfala grup long olketa Livaet fo lukaftarem olketa stoarum long Tambuhaos wea olketa putum olketa ofaring, an olketa fas kaikai wea olketa tekemaot from gaden, an olketa ten. Olketa samting ya i fo olketa prist an olketa Livaet, mekem olketa save garem kaikai an olketa narafala samting, olsem Lo blong God hemi talem. Olketa Livaet ya i goaot long olketa fam raonem olketa taon fo kolektem olketa samting ya, an tekem kam long olketa stoarum long Tambuhaos. Olketa pipol long Jiuda i hapi tumas fo duim diswan, bikos olketa prist an olketa Livaet ya i gohed fo duim waka blong olketa gudfala.

Sams 28:2

Taem mi luk go long Tambuhaos blong yu, mi liftimap han blong mi fo prea, an mi krae go fo help blong yu, plis yu herem kam krae blong mi.

Eksodas 25:22

Antap long kava blong boks ya, long midol long tufala enjel, bae mi kam long ples ya fo mitim yu, an bae mi givim olketa lo blong mi long yu, wea bae yufala pipol blong Israel mas falom.”

Nambawan Singsing 1:4

Yu olsem king blong mi nao. Plis yu tekem mi. Yumitufala kuiktaem go fo stap insaet long rum blong yu. Bae yumitufala barava hapi tumas, bikos mi barava lavem yu an yu lavem mi tumas winim evrisamting long disfala wol. Hemi fitim fo evri gele nomoa save laekem yu.

Jeremaea 35:2

“Yu go lukim olketa pipol long laen blong Rekab, an talem olketa fo kam long wanfala rum long Tambuhaos blong mi. Long ples ya, yu givim samfala waen long olketa fo dring.”

Jeremaea 35:4

Mi tekem olketa go long Tambuhaos blong Yawe, an mifala go insaet long rum blong olketa man blong Profet Hanan, san blong Igdalaea hu hemi man blong God. Rum ya hemi kolsap long rum blong olketa bikman blong Tambuhaos ya, an hemi stap stret antap long rum blong Maasea, san blong Salum, wea hemi bikman blong Tambuhaos ya hu hemi holem ki blong bikfala doa blong hem.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 40:44

Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

Esikiel 41:4

Hemi mesarem tu disfala rum insaet. Rum ya hemi skuea, wea fofala saet blong hem hemi ten mita. Rum ya hemi bihaen long Tambu Rum, an man ya hemi tok olsem long mi, “Diswan nao hemi Barava Tambu Rum.”

Levitikas 16:2

Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Nambas 7:89

Nao taem Mosis hemi go insaet long Tambu Haostent fo toktok wetem Yawe, hemi herem voes blong Yawe hemi toktok kam long hem from midol long tufala enjel antap long kava blong Tambu Boks blong Spesol Agrimen.