1 Kings 6:22 - Pijin Bible

²² Long evri ples insaet long Tambuhaos, olketa yusim gol fo kavarem olketa timba. An olketa yusim gol fo kavarem olta blong Barava Tambu Rum tu.

Pijin Deuterocanon

²² Long evri ples insaet long Tambuhaos, olketa yusim gol fo kavarem olketa timba. An olketa yusim gol fo kavarem olta blong Barava Tambu Rum tu.

1 Kings 6:22 ပူးပေါင်းရင်းမြစ်များ

1 Kings 6:20

Longfala blong Barava Tambu Rum hemi kasem naen mita, an waed blong hem hemi kasem naen mita, an hae blong hem hemi kasem naen mita. Long evri ples insaet long rum ya, olketa yusim nambawan gol fo kavarem olketa timba blong hem. An jes aotsaet long rum ya, disfala olta wea olketa wakem long timba blong sida, olketa kavarem tu long nambawan gol.

1 Kings 6:21

Insaet long bikfala rum blong Tambuhaos, olketa kavarem olketa timba tu long nambawan gol. An olketa mekem olketa gol sen fo go akros long frant long Barava Tambu Rum. An frant blong Barava Tambu Rum, olketa yusim gol fo kavarem olketa timba blong hem tu.

Eksodas 26:29

Yu mas kavarem olketa timba frem long gol. An yu mas putum olketa ring long gol long olketa frem fo holem olketa longfala pis timba ya. An yu mas kavarem olketa longfala pis timba long gol tu.

Eksodas 30:1

Yawe hemi gohed fo tok olsem long Mosis, “Bae yu mas yusim timba blong akesia tri fo wakem wanfala olta fo bonem insens antap long hem.

Eksodas 30:3

Yu mas yusim nambawan gol fo kavarem antap long olta, an fofala saet blong hem, an fofala hon blong hem. An yu mas wakem wanfala strap long gol fo goraonem hem fo dekoretem.