1 Kings 5:17 - Pijin Bible

¹⁷ An olketa falom toktok blong king wea hemi sei olketa mas digim an katem olketa bikfala gudfala ston fo wakem faondesin blong Tambuhaos.

Pijin Deuterocanon

¹⁷ An olketa falom toktok blong king wea hemi sei olketa mas digim an katem olketa bikfala gudfala ston fo wakem faondesin blong Tambuhaos.

1 Kings 5:17 ပူးပေါင်းရင်းမြစ်များ

2 Samuel 22:39

Mi gohed fo kilim olketa nogud, an olketa no save stanap moa. Mi winim olketa finis, an olketa leidaon olobaot nomoa long frant blong mi.

2 Samuel 7:5

“Yu go an tok olsem long Deved hu hemi wakaman blong mi, “‘I no yu nao hu bae hemi wakem wanfala haos fo mi, mekem mi stap long hem.

1 Kings 6:7

Olketa ston fo bildim Tambuhaos, olketa katem redi finis long ples wea olketa digim. Olketa duim olsem, mekem taem wea olketa gohed fo bildim Tambuhaos, no eniwan i herem noes blong olketa aean tul olsem hama, an aks, an sisel, an olketa nara tul moa.

1 Kings 7:9

Olketa haos ya olketa wakem long olketa nambawan ston, stat long faondesin go kasem antap. Olketa ston ya, olketa barava katem stret mekem olketa fit gudfala nomoa. Olketa yusim olketa nambawan bikfala ston ya fo wakem aotsaet blong olketa haos an bikfala open eria raonem olketa haos.

1 Kronikols 22:2

King Deved hemi talem olketa pipol blong olketa deferen kantri wea i stap long Israel fo kam long Jerusalem. An hemi talem samfala long olketa fo katem olketa ston fo wakem Tambuhaos.

1 Kronikols 22:8

Bat Mesij blong Yawe hemi kam long mi an sei olsem: ‘Deved, yu bin faet tumas long olketa woa, an han blong yu hemi garem tumas blad long hem. So mi no save letem yu fo bildim Tambuhaos blong mi bikos mi lukim dat yu bin kilim dae tumas man.

Aesaea 28:16

Dastawe nao Lod Yawe hemi tok olsem, “Distaem mi putum wanfala strongfala faondesin long Saeon wea hemi nating save muv. Taem mi mekem haos ya, mi putum wanfala spesol ston long kona long faondesin blong hem wea hemi nambawan ston fo sapotem haos ya. Man hu hemi trastem disfala spesol ston, bae hemi no save seksek.