1 Kings 4:13 - Pijin Bible

¹³ Ben-Geba, hemi lukaftarem taon long Ramot-Gilead, wetem olketa vilij long Gilead wea i blong olketa laen blong Jaea, san blong Manase. An hemi lukaftarem eria long Agob long distrik long Basan. Distrik ya hemi garem siksti taon. Olketa taon ya i garem bikfala wolston wetem olketa geit wea olketa lokem long olketa bikfala bras ba.

Pijin Deuterocanon

¹³ Ben-Geba, hemi lukaftarem taon long Ramot-Gilead, wetem olketa vilij long Gilead wea i blong olketa laen blong Jaea, san blong Manase. An hemi lukaftarem eria long Agob long distrik long Basan. Distrik ya hemi garem siksti taon. Olketa taon ya i garem bikfala wolston wetem olketa geit wea olketa lokem long olketa bikfala bras ba.

1 Kings 4:13 ပူးပေါင်းရင်းမြစ်များ

1 Kings 22:3

King Ehab hemi bin askem olketa bikman blong hem olsem, “?Waswe long taon long Ramot-Gilead? ?Hemi blong yumi, so waswe nao yumi no duim enisamting fo tekem hem moa from king long Siria?”

2 Kings 9:1

Wanfala de, Profet Elaesa hemi kolem kam wanfala yang profet, an hemi tok olsem long hem, “Yu mekredi an go long taon long Ramot-Gilead. An yu tekem disfala botol oliv oel.

2 Kings 9:14

Long datfala taem, King Joram hemi stap yet long Jesreel, bikos hemi stap kuaet fo kamap strong moa bihaen long taem hemi garekil long faet agensim King Hasael blong Siria long Ramot-Gilead. Jehu hemi mekem plan fo go kilim King Joram. An hemi tok olsem long olketa komanda ya, “Sapos hemi tru wea yufala sapotem mi, yufala mas meksua no eniwan hemi goaot from hia fo go talem nius ya long Jesreel.”

1 Kronikols 2:23

Bat pipol blong Gesua an pipol blong Aram i kam faetem olketa, an winim siksti taon long eria ya. Hem nao olketa taon blong Jaea, an taon blong Kenat, an olketa taon kolsap long olketa. Evriwan long eria long Gilead i bon kam long laen blong Makia.

Sams 22:12

Plande long olketa enemi i raonem mi nao olsem olketa buluka. Olketa hipap raonem mi, olsem olketa strongfala buluka ya long Basan.

Sams 68:15

Tambu maonten long Basan, hemi barava bikfala fogud, an hemi garem plande hae ples antap long hem.

Nambas 32:41

Wanfala man, Jaea hu hemi long traeb blong Manase, hemi go faet long samfala vilij, an hemi winim olketa, so hem kolem olketa vilij ya Havot-Jaea.

Diutronomi 3:10

An Mosis hemi gohed fo tok olsem, “Yumi bin tekova long olketa taon, stat long bikfala flat ples antap long maonten long saot an go kasem olketa taon long Gilead an Basan long not, an hemi go kasem tu, tufala taon long Saleka an Edrei long ist, wea i blong Paramaon Sif Og.”

Diutronomi 3:4

An long taem ya, yumi bin go insaet long olketa sikstifala taon blong olketa, an tekova long olketa. No eni taon blong Paramaon Sif ya hemi stap, an evri taon long bikfala distrik long Agob wea Og hemi rul ovarem, yumi bin tekova long olketa evriwan.

Diutronomi 3:8

“Long datfala taem, olketa lan blong tufala Paramaon Sif blong laen blong Amoa long saet blong Jodan Riva long ist, hemi stat long Anon Riva long saot, an hemi go kasem maonten long Hemon long not, evri lan ya, yumi tekova long hem from tufala.”

Diutronomi 4:43

Trifala taon nao Bese, Ramot an Golan. Bese hemi long bikfala flat ples antap long hil long drae eria wea hemi blong traeb blong Ruben. Ramot hemi long eria long Gilead wea hemi blong traeb blong Gad. An Golan hemi long eria long Basan wea hemi blong traeb blong Manase.

Josua 20:8

An olketa siusim moa trifala taon long ist saet long Jodan Riva wea nem blong olketa nao Bese wea hemi kolsap long Jeriko long drae eria antap long hil long eria blong Ruben, an Ramot long Gilead wea hemi long eria blong Gad, an Golan long Basan wea hemi stap long eria blong Manase.

Josua 21:38

An long eria blong Gad, olketa onam fofala taon wetem olketa lan raonem fo putum olketa animol long hem. Faswan long olketa taon ya nao Ramot long Gilead, wea hemi wanfala long olketa taon ya fo haed long hem, wetem Mahanaem,