1 Kings 4:12 - Pijin Bible

¹² Baana, san blong Ahilud, hemi lukaftarem tufala taon long Taanak an Megido. An hemi lukaftarem eria long Bet-San kolsap long taon long Saretan, eria ya hemi saot long taon long Jesreel, an hemi go kasem taon long Abel-Mehola an taon long Jokmeam.

Pijin Deuterocanon

¹² Baana, san blong Ahilud, hemi lukaftarem tufala taon long Taanak an Megido. An hemi lukaftarem eria long Bet-San kolsap long taon long Saretan, eria ya hemi saot long taon long Jesreel, an hemi go kasem taon long Abel-Mehola an taon long Jokmeam.

1 Kings 4:12 ပူးပေါင်းရင်းမြစ်များ

1 Kings 18:46

An paoa blong Yawe hemi kam long Elaeja, hemi taemapem kaleko blong hem mekem hemi ran kuiktaem, den hemi ran go fastaem long king, fo go kasem Jesreel.

1 Kings 19:16

An yu mas kapsaetem oel go long hed blong Jehu, san blong Nimsi, fo makem hem olsem bae hemi kamap king blong Israel. An yu mas kapsaetem oel go long hed blong Elaesa san blong Safat, man blong Abel-Mehola, fo mektambu long hem mekem hemi kamap profet fo sensim yu.

1 Kings 7:46

King hemi talem hem fo mekem olketa samting ya long flat eria kolsap long Jodan Riva, long midol long tufala taon long Sukot an Saretan. Long dea nao olketa poarem go bras wea olketa meltem fo mekem olketa samting ya.

1 Kronikols 6:68

an Jokmeam, an Bet-Horon,

Josua 17:11

Olketa long traeb blong Manase i garem samfala taon insaet long eria blong Asa an eria blong Isaka, wea nem blong olketa nao Bet-San, an Ibleam, wetem olketa vilij raon long tufala, wetem Endoa, an Taanak, an Megido an Doa wea hemi stap long saet si.

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.

Jajis 5:19

Olketa sif i kam fo faet. Ya, olketa sif blong Kenan i kam long faet. Nomata olsem, long Taanak kolsap long wata long Megido, olketa nating winim eni gud samting fo tekem gobaek.

1 Samuel 18:19

Long taem fo givim Merab go long Deved, king hemi go givim gele ya long Adriel, wanfala man blong Mehola.

1 Samuel 31:10

Bihaen, olketa putum olketa samting fo faet blong Sol long tambuhaos blong woman god ya Astarot, an olketa hangem bodi blong hem long bikfala wolston blong taon long Bet-San.

1 Samuel 31:12

olketa strongman blong olketa wea i no save fraet, olketa go long naet long Bet-San. Den olketa tekem bodi blong Sol wetem bodi blong trifala san blong hem, an karim gobaek long Jabes, nao olketa bonem fofala bodi long dea.