1 Kings 4:1 - Pijin Bible

¹ King Solomon, hemi king long Israel,

Pijin Deuterocanon

¹ King Solomon, hemi king long Israel,

1 Kings 4:1 ပူးပေါင်းရင်းမြစ်များ

2 Samuel 20:23

Long datfala taem, Joab hemi komanda long ami blong Israel. Benaea, san blong Jehoeada, hemi komanda long olketa sekiuriti blong king hu i olketa man blong Keret an Pelet.

2 Samuel 5:5

Fastaem hemi stap long Hebron, an hemi king long Jiuda fo seven an haf yia, an bihaen, hemi stap long Jerusalem, an hemi king long olketa pipol long Israel an long Jiuda fo teti-tri yia.

2 Samuel 8:15

Deved hemi king ovarem evriwan long Israel. Oltaem hemi lukaftarem gudfala olketa pipol blong hem, long wei wea hemi gudfala an hemi stret.

1 Kings 11:13

An bae mi no tekemaot evri traeb blong Israel from hem, bae mi letem wanfala traeb fo stap long han blong hem, bikos mi tinghevi long dadi blong yu, wakaman blong mi, an mi tinghevi tu long Jerusalem wea mi siusim finis.”

1 Kings 12:6

Den hemi go lukim evri olo wea olketa i advaesa blong dadi blong hem bifoa, an hemi askem olketa olsem, “?Waswe, yufala garem samfala gudfala tingting wea mi save talem long olketa ya?”

1 Kings 3:28

An taem olketa long Israel i herem nius abaotem wei wea king hemi jajem samting ya, olketa barava tinghae long hem. Olketa luksave dat God hemi bin givim waes tingting long hem fo jajem evrisamting long stretfala wei.

1 Kings 4:2

an nem blong olketa bikman blong hem i olsem: Asaraea, san blong Sadok, hemi prist.

1 Kronikols 12:38

Olketa soldia ya i hapi nomoa fo joenem ami blong Deved. Olketa go hipap long Hebron, an tingting blong olketa i barava strong tumas fo mekem Deved hemi kamap king blong Israel. Evriwan long Israel nao i garem semkaen tingting tu.

2 Kronikols 1:13

Den Solomon hemi lusim disfala tambuples long Gibeon wea Tambu Haostent hemi stap long hem, an hemi gobaek long Jerusalem. Hemi gohed fo rul ovarem pipol blong Israel.

2 Kronikols 9:30

Solomon hemi king long Jerusalem, an hemi ovarem evri traeb blong Israel fo fotifala yia.

Nehemaea 13:26

An mi tok olsem long olketa, “Bifoa, olketa kaen woman aotsaet nao i lidim Solomon hu hemi king blong Israel fo mekem sin. Solomon ya hemi king wea hemi hae tumas winim evri king long olketa narafala kantri, an God hemi lavem hem tumas. God hemi mekem hem kamap king ovarem evri laen blong Israel. Bat nomata olsem, hemi foldaon long ravis wei ya from olketa hiden woman.

Eklesiastes 1:12

Mi nao mi Waes Tisa, an mi king long Israel, wea mi stap long Jerusalem.