1 Kings 3:13 - Pijin Bible

¹³ An bae mi givim yu olketa narafala samting tu wea yu no askem. Oltaem long laef blong yu, bae yu ris moa, an olketa man bae i tinghae moa long yu winim wei wea olketa tinghae long eni narafala king.

Pijin Deuterocanon

¹³ An bae mi givim yu olketa narafala samting tu wea yu no askem. Oltaem long laef blong yu, bae yu ris moa, an olketa man bae i tinghae moa long yu winim wei wea olketa tinghae long eni narafala king.

1 Kings 3:13 ပူးပေါင်းရင်းမြစ်များ

1 Kings 10:14

King Solomon hemi save garem 23,000 kilo gol evri yia.

1 Kronikols 29:25

Yawe hemi mekem olketa evriwan fo tinghae tumas long hem. An hemi mekem Solomon fo kamap hae moa winim olketa narafala king blong Israel fastaem long hem.

2 Kronikols 9:22

Long taem ya, King Solomon hemi ris tumas winim olketa narafala king long wol, an hemi waes tumas winim olketa tu.

Nehemaea 13:26

An mi tok olsem long olketa, “Bifoa, olketa kaen woman aotsaet nao i lidim Solomon hu hemi king blong Israel fo mekem sin. Solomon ya hemi king wea hemi hae tumas winim evri king long olketa narafala kantri, an God hemi lavem hem tumas. God hemi mekem hem kamap king ovarem evri laen blong Israel. Bat nomata olsem, hemi foldaon long ravis wei ya from olketa hiden woman.

Provebs 3:16

Hemi givim yu plande gudfala samting an longfala laef tu, mekem pipol tinghae long yu.

Provebs 4:9

Bae hemi olsem naes flaoa raonem nek blong yu, an bae yu garem trufala biknem long hem.”

Eklesiastes 6:2

God hemi mekem man fo kamap ris, an garem hae nem, an garem plande samting. Man olsem hemi garem evrisamting wea hemi laekem, bat bihaen, God no letem hem fo hapi long olketa samting ya. An wanfala strensa nomoa bae hemi kam an tekem evrisamting ya fo hapi long hem. Disfala samting hemi no fitim tingting blong yumi, an hemi barava nogud tumas.

Matiu 6:33

Bat fas samting yufala mas duim, yufala mas aftarem kingdom blong God, an yufala mas tingim tu fo duim wanem hemi laekem. Sapos olsem, God nao bae hemi givim kam olketa narasamting ya long yufala.

Leta wea Pol hemi raetem go long sios long Rom 8:32

God hemi no holem baek San blong hem, bat hemi mekem hem fo dae fo sevem yumi evriwan. So hemi save givim kam evrisamting fri long yumi nomoa.

Efesas 3:20

Paoa blong God wea hemi waka finis long tingting blong yumi, hemi save duim olketa samting wea hemi winim enisamting yumi save askem o tingim.