1 Kings 22:53 - Pijin Bible

⁵³ Oltaem hemi falom god Baal, an hemi gohed fo wosipim hem. So hemi mekem Yawe, God blong Israel, fo kros tumas, olsem wea dadi blong hem hemi bin duim bifoa.

Pijin Deuterocanon

⁵³ Oltaem hemi falom god Baal, an hemi gohed fo wosipim hem. So hemi mekem Yawe, God blong Israel, fo kros tumas, olsem wea dadi blong hem hemi bin duim bifoa.

1 Kings 22:53 ပူးပေါင်းရင်းမြစ်များ

1 Kings 14:16

Yawe bae hemi lego long yumi, bikos King Jeroboam hemi mekem sin, an hemi lidim yumi tu fo mekem sin.”

1 Kings 16:7

Mesij blong Yawe hemi bin kam long Profet Jehu fo go talem agensim King Baasa an laen blong hem. Hemi olsem bikos King Baasa hemi duim plande ravis samting wea i no stret long ae blong Yawe. Hem nao i mekem Yawe hemi kros tumas olsem hemi kros long laen blong Jeroboam. An Yawe hemi agensim Baasa tu bikos king ya hemi bin kilim dae evriwan long laen blong Jeroboam.

1 Kings 21:25

(Nao King Ehab hemi duim olketa samting wea i barava nogud tumas long ae blong Yawe. An no eni narafala man hemi barava nogud tumas olsem hem. An evri ravis samting wea hemi duim ya, waef blong hem, Jesebel nao, hemi strongim tingting blong hem fo hemi duim.

1 Kings 21:29

“?Waswe, yu lukim wei wea King Ehab hemi hambol distaem? Bikos hemi mekem hem seleva lou long ae blong mi, bae mi no mekem trabol fo kasem hem taem hemi laef yet. Bat bae mi mekem trabol fo kasem laen blong hem long taem wea pikinini blong hem hemi king.”

2 Kings 1:2

Long datfala taem, King Ahasaea blong Israel hemi foldaon an garekil long wanfala varanda antap long haos blong hem long Samaria. So hemi sendem samfala man blong hem fo go prea long Baal-Sebub wea hemi god blong olketa long Ekron long Filistia. Hemi laekem olketa fo faendemaot olsem bae hemi save kamap oraet o nomoa.

2 Kings 3:2

Hemi sin agensim Yawe, bat hemi no duim olketa samting olsem dadi blong hem King Ehab, an mami blong hem Kuin Jesebel i bin duim bifoa. Hem olsem bikos hemi brekemdaon tambu kaving blong Baal wea dadi blong hem hemi bin mekem.

2 Kings 8:18

Bat hemi falom olketa ravis wei blong King Ehab wetem olketa narafala king blong Israel bifoa, bikos hemi maritim wanfala dota blong King Ehab. Nao hemi gohed fo sin agensim Yawe.

2 Kronikols 20:35

Wanfala taem, King Jehosafat hemi mekem wanfala agrimen wetem King Ahasaea blong Israel hu hemi duim plande ravis samting.

Sams 106:29

Nao olketa samting wea olketa duim ya, hemi barava mekem Yawe fo kros tumas long olketa, so wanfala ravis siknis hemi kasem olketa.

Aesaea 65:3

Oltaem, yufala nating sem nomoa fo mekem mi kros. Mi nating hapi long wei wea yufala gohed fo mekem sakrifaes fo olketa laea god insaet long olketa tambu gaden, an fo bonem insens fo wosipim olketa laea god ya.

Esikiel 8:3

Hemi luk olsem wea man ya hemi stretem kam han blong hem, an hemi holem hea long hed blong mi. Nao paoa blong God hemi liftim mi goap long midol long skae an graon, an hemi tekem mi go long Jerusalem. Hemi tekem mi gotru disfala geit wea hemi stap long not saet long Tambuhaos ya, fo go insaet long smolfala open eria kolsap long Tambuhaos. Long smolfala open eria ya, wanfala kaving god hemi stap wea hemi mekem God barava kros tumas, bikos olketa pipol wosipim disfala kaving ya.