1 Kings 22:42 - Pijin Bible

⁴² Long datfala taem, hemi kasem teti-faev yia, an hemi king long Jerusalem fo tuenti-faev yia. An mami blong hem, hemi Asuba, dota blong Silhi.

Pijin Deuterocanon

⁴² Long datfala taem, hemi kasem teti-faev yia, an hemi king long Jerusalem fo tuenti-faev yia. An mami blong hem, hemi Asuba, dota blong Silhi.

1 Kings 22:42 ပူးပေါင်းရင်းမြစ်များ

1 Kings 14:21

Taem Rehoboam, san blong King Solomon, hemi kamap king blong Jiuda, hemi kasem foti-wan yia. Hemi king fo seventin yia long Jerusalem, disfala biktaon wea Yawe hemi bin siusimaot from olketa ples long Israel, mekem olketa wosipim nem blong hem long dea. Mami blong king ya, hemi Naama, an hemi woman long laen blong Amon.

1 Kings 15:10

Hemi king fo foti-wan yia long Jerusalem. Granmami blong hem hemi Maaka, dota blong Absalom.

1 Kings 15:2

Hemi king fo trifala yia long Jerusalem. Mami blong hem hemi Maaka, dota blong Absalom.

1 Kings 22:41

Long mekfoa yia wea king Ehab hemi king long Israel, Jehosafat, san blong King Asa, hemi kamap king long Jiuda.

1 Kings 22:43

King ya hemi duim olketa samting wea hemi stret long ae blong Yawe, olsem wea dadi blong hem, King Asa, hemi bin duim bifoa. Bat hemi no brekemdaon olketa tambuples long olketa hil, an olketa pipol gohed fo mekem sakrifaes an bonem insens long olketa tambuples ya.

2 Kings 1:17

Bihaen, King Ahasaea hemi dae olsem Mesij blong Yawe wea Elaeja hemi bin talemaot. Bat King Ahasaea hemi no garem pikinini boe, so brata blong hem, Joram, hemi sensim hem fo kamap king. Long mektu yia wea King Jehoram, san blong King Jehosafat, hemi king long Jiuda, Joram hemi kamap king long Israel.

2 Kings 8:16

Long mekfaev yia wea Joram, san blong King Ehab, hemi king long Israel, Jehoram, san blong King Jehosafat, hemi kamap king long Jiuda.

2 Kronikols 20:31

Taem King Jehosafat hemi kamap king blong Jiuda, hemi kasem teti-faev yia, an hemi king long Jerusalem fo tuenti-faev yia. Mami blong hem, hemi Asuba, dota blong Silhi.