1 Kings 21:24 - Pijin Bible

²⁴ “Olketa long laen blong yu Ehab wea i dae insaet long taon, olketa dog bae i kaikaim bodi blong olketa. An olketa wea i dae long bus, olketa igol bae i kaikaim olketa.”

Pijin Deuterocanon

²⁴ “Olketa long laen blong yu Ehab wea i dae insaet long taon, olketa dog bae i kaikaim bodi blong olketa. An olketa wea i dae long bus, olketa igol bae i kaikaim olketa.”

1 Kings 21:24 ပူးပေါင်းရင်းမြစ်များ

1 Kings 14:11

Olketa long laen blong Jeroboam wea i dae insaet long taon, olketa dog bae i kaikaim bodi blong olketa. An olketa wea i dae long bus, olketa bed bae i kaikaim olketa. !Mi Yawe nao, mi tok!’”

1 Kings 16:4

Olketa long laen blong yu Baasa wea i dae insaet long taon, olketa dog bae i kaikaim bodi blong olketa. An olketa wea i dae long bus, olketa bed bae kaikaim olketa.”

2 Kings 9:25

Jehu hemi tok long Bidka, soldia blong hem, olsem, “Tekem bodi blong king ya, an torowem go long lan wea hemi blong Nabot bifoa. Yu tingim taem wea yumitufala bin raed long hos wetem King Ehab, dadi blong king ya. An long disfala ples, Yawe hemi bin toktok agensim hem.

Aesaea 14:19

Bat yu ya, bae olketa no berem yu, bat torowem nomoa bodi blong yu fo roten. Antap long bodi blong yu, bae olketa torowem bodi blong olketa soldia wea i dae wetem yu long faet, an step antap long yufala.

Jeremaea 15:3

“Bae mi Yawe mi sendem fofala samting fo spoelem olketa finis. Bae olketa enemi i kam fo kilim olketa dae. Bae olketa dog i kam pulumaot olketa bodi blong olketa. An olketa bed wetem olketa wael animol bae olketa kaikaim olketa bodi ya finis.

Jeremaea 22:19

“Bae olketa pulum bodi blong yu go aotsaet long Jerusalem an torowem hem godaon long dea, olsem nao bodi blong wanfala dongki wea hemi dae.”

Revelesin 19:18

Yufala kam an kaikaim mit blong bodi blong olketa king an olketa komanda an olketa soldia, an mit blong olketa hos wetem olketa man hu i bin raedem. Bae yufala kaikaim mit blong bodi blong evri pipol, wetem olketa slev an olketa fri man, nomata olketa bikman o man nating.”