1 Kings 21:16 - Pijin Bible

¹⁶ So taem Ehab hemi herem dat Nabot hemi dae finis, hemi go tekova long plantesin ya.

Pijin Deuterocanon

¹⁶ So taem Ehab hemi herem dat Nabot hemi dae finis, hemi go tekova long plantesin ya.

1 Kings 21:16 ပူးပေါင်းရင်းမြစ်များ

1 Kings 21:1

Hem nao stori abaotem wanfala plantesin blong grep wea hemi stap kolsap long haos blong King Ehab long Jesreel. Plantesin ya hemi blong man olketa kolem Nabot.

1 Kings 21:15

Taem Jesebel hemi herem nius ya, semtaem nomoa, hemi go tok olsem long king, “Nabot hemi dae finis. Plantesin wea hemi no laek fo salem long yu, distaem yu save go tekova long hem nao.”

1 Kings 21:17

Den Mesij blong Yawe hemi kam long Profet Elaeja, man blong Tisbe. Hemi sei olsem,

2 Kings 5:24

Taem olketa kasem maonten wea haos blong profet i stap long hem, Gehasi hemi tekem olketa samting ya, an hemi sendem tufala gobaek. Den hemi karim olketa samting ya goap, an putum insaet long haos blong hem.

2 Kings 9:21

Den King Joram hemi tok olsem, “Yufala redim kam kaat fo faet blong mi.” Taem olketa redim an tekem kam, hemi klae go long hem, an King Ahasaea tu hemi tekem kaat fo faet blong hem tu, nao tufala go fo mitim Jehu. Tufala mitim Jehu long lan blong Nabot, man blong Jesreel.

Sams 50:18

Oltaem yufala frengud nomoa wetem olketa pipol fo stil, an yufala fren gudfala tu wetem olketa hu i brekem lo blong marit.

Aesaea 33:15

Olketa pipol hu i falom stretfala wei an oltaem talem olketa tru toktok, olketa ya nao i olsem: Olketa no yusim paoa blong olketa fo fosim pipol fo givim seleni long olketa, an olketa no letem narafala pipol fo nilam olketa fo seleni, an olketa nating joen wetem olketa pipol hu i plan fo kilim dae olketa narafala pipol. Ya, olketa nating tingim nao fo duim enikaen ravis samting.

Leta wea Pol hemi raetem go long sios long Rom 1:32

Olketa save finis wea stretfala toktok blong God hemi sei olketa pipol hu i duim olketa samting olsem, hemi fit fo olketa dae nomoa. Bat nomata olsem, olketa gohed nomoa fo duim olketa samting ya, an olketa hapi tu long olketa nara pipol hu i duim semsamting.

2 Pita 2:15

Olketa laea tisa ya lusim finis disfala stretfala wei an olketa go krangge falom wei blong Profet Balam hu hemi san blong Beo. Balam hemi laekem tumas fo tekem seleni fo duim wanem hemi no stret.