1 Kings 20:6 - Pijin Bible

⁶ Bat tumoro long distaem, bae mi sendem kam olketa bikman blong mi long ples blong yu an long olketa ples blong olketa bikman blong yu, fo lukaotem evri gudfala samting blong yufala. An bae olketa tekem go evrisamting ya.”

Pijin Deuterocanon

⁶ Bat tumoro long distaem, bae mi sendem kam olketa bikman blong mi long ples blong yu an long olketa ples blong olketa bikman blong yu, fo lukaotem evri gudfala samting blong yufala. An bae olketa tekem go evrisamting ya.”

1 Kings 20:6 ပူးပေါင်းရင်းမြစ်များ

Jenesis 27:15

Mami blong hem hemi go tekem olketa nambawan kaleko blong Iso wea i stap long haostent ya, an hemi kam givim long Jekob fo hemi werem.

2 Samuel 24:14

Den Deved hemi tok olsem, “!Mi barava filnogud nao! Yawe hemi barava kaen tumas, so hemi moabeta fo hemi siusim panis fo mifala. !Bat plis, no letem olketa enemi i panisim mi!”

1 Kings 20:5

Den King Ben-Hadad hemi sendem olketa man blong hem fo go lukim King Ehab moa an talem hem olsem, “Mi bin sendem toktok fo talem dat yu mas givim evri silva an gol blong yu long mi, wetem olketa waef blong yu an pikinini blong yu tu.

1 Kings 20:7

So King Ehab hemi kolem kam evri lida blong Israel, an hemi tok olsem long olketa, “!Yufala lukim! !Man ya hemi laek fo spoelem yumi ya! Fastaem hemi sendem kam toktok, sei hemi laekem mi fo givim olketa waef blong mi an pikinini blong mi long hem, wetem evri silva an gol blong mi, an mi agri fo duim.”

Esra 8:27

Tuenti baol wea olketa wakem long gol, wea hevi blong olketa i kasem eit an haf kilo. Tufala barava naes besin wea olketa wakem long nambawan bras wea hemi saen gud tumas, an praes blong tufala hemi semsem olsem praes blong besin wea olketa wakem long gol.

Aesaea 44:9

(Profet) Olketa pipol hu i gohed fo wakem olketa kaving god fo wosipim, olketa ya i nating fitim enisamting nao. An olketa kaving ya wea olketa wakem, i barava yusles tu. Olketa pipol hu i wosipim olketa narafala god ya, i blaen an krangge. Bae olketa barava sem fogud.

Jeremaea 25:34

!Olketa lida! !Yufala mas barava sore an krae! Yufala mas rol olobaot long asis faea fo somaot dat yufala filnogud. Olketa pipol i olsem sipsip, an yufala i olsem man fo lukaftarem olketa sipsip ya. Bat distaem, de fo kilim yufala hemi kam finis, an olketa enemi blong yufala bae i spoelem yufala finis. Bae yufala kam olsem nambawan pot olketa wakem long graon wea hemi foldaon an hemi brek, mekem hem kamap nogud tumas.

Lamentesin 1:10

Olketa hiden wea Yawe bin talem fo olketa mas no go insaet long Tambuhaos ya, Jerusalem hemi lukim wea olketa go insaet long tambuples, an stilim olketa tambu samting.

Lamentesin 1:7

Distaem Jerusalem hemi nogud tumas, an olketa pipol i tingabaotem nao gudfala laef long bifoa wea hemi ris fogud. Taem olketa enemi i winim hem, no eniwan hemi stap nao fo helpem hem. Olketa enemi ya i lukim hem, an mekfan long hem bikos hemi lus.

Hosia 13:15

“Bat distaem, nomata olketa blong laen ya Efrem i grou bikfala an kamap strong winim olketa narafala laen blong Israel, bat bae mi spoelem olketa finis. Bae hemi olsem wea mi sendem wanfala barava hot win fo kamaot from drae eria long ist. An bae disfala hot win hemi mekem olketa wel an springwata blong olketa fo kamap drae evriwan. Bae mi tekemaot evri gudfala samting blong olketa.

Joel 3:5

Yufala bin tekem finis olketa silva an gol, an olketa narafala gudfala samting blong mi, an putum insaet long haos blong tufala king blong yufala.